ഇത്തവണ വേനലവധിക്ക് സ്‌കൂള്‍ അടച്ചാലും ഹയർ സെക്കൻഡറി പരീക്ഷ തുടരും. അക്കാഡമിക് കലണ്ടർ പ്രകാരം ഹയർ സെക്കൻഡറി ഉള്‍പ്പെടെ പൊതുവിദ്യാലയങ്ങള്‍ മാർച്ച്‌ 28-ന് അടയ്ക്കും. എന്നാല്‍, ഹയർ സെക്കൻഡറി ഒന്നാംവർഷ ഇംഗ്ലീഷ് പരീക്ഷ നടക്കുന്നത് മാർച്ച്‌ 29-ന് ശനിയാഴ്ചയാണ്. അക്കാഡമി കലണ്ടർ ശ്രദ്ധിക്കാതെ പരീക്ഷാ ഷെഡ്യൂള്‍ തയ്യാറാക്കിയെന്നാണ് ആരോപണം.
മാർച്ച്‌ 31-ന് വിരമിക്കുന്ന അദ്ധ്യാപകർ സ്‌കൂള്‍ അടയ്ക്കുന്ന 28-ന് സ്വന്തം സ്‌കൂളിലെത്തി അവസാന ദിവസത്തെ ഒപ്പ് രേഖപ്പെടുത്തി പിരിഞ്ഞ് പോകാനാകാതെ 29-ന് പരീക്ഷാ ജോലി ചെയ്യുന്ന സ്കൂളില് നിന്ന് ഔദ്യോഗിക ജീവിതം അവസാനിപ്പിച്ച്‌ മടങ്ങേണ്ടിവരും. പ്ലസ് വണ്ണിന് പഠിക്കുന്ന മുഴുവൻ കുട്ടികളോടൊപ്പം പ്ലസ്ടു വിദ്യാർത്ഥികള്‍ ഇംപ്രൂവ് ചെയ്യുന്ന ഇംഗ്ലീഷ് വിഷയമാണ് അന്നത്തെ പരീക്ഷ. എസ്എസ്എല്‍സി പരീക്ഷകള്‍ അവസാനിച്ച്‌ 28-ന് സ്‌കൂള്‍ അടയ്ക്കുന്ന സാഹചര്യത്തില്‍ 29-ലെ പരീക്ഷ 28-ന് രാവിലെ നടത്താവുന്നതാണ്.
അങ്ങനെ ചെയ്താല്‍ മിക്കവാറും സ്‌കൂളുകളില്‍ നിന്ന് വിരമിക്കുന്ന അദ്ധ്യാപകരെ യാത്രയാക്കാനും മറ്റുള്ളവർക്ക് കഴിയും. നിലവിലെ സാഹചര്യത്തില്‍ 4:15-ന് പരീക്ഷ അവസാനിച്ചശേഷം പേപ്പറുകള്‍ എണ്ണിത്തിരിച്ച്‌ പായ്ക്ക് ചെയ്യാൻ സമയം വൈകും. അന്നേ ദിവസം ഉത്തരക്കടലാസ് കെട്ടുകള്‍ പോസ്റ്റ് ചെയ്യാനും കഴിയില്ല. തുടർന്ന് വരുന്ന പൊതുഅവധി ദിനങ്ങളായ ഞായറും തിങ്കളും കഴിഞ്ഞേ കെട്ടുകള്‍ അയയ്ക്കാൻ സാധിക്കുകയുള്ളൂ.
ഓട്ടോ ടാക്‌സി പെര്‍മിറ്റ് പുതുക്കാം
വെങ്ങപ്പള്ളി ഗ്രാമപഞ്ചായത്ത് പരിധിയിലുള്ള ഓട്ടോ-ടാക്‌സി പെര്‍മിറ്റ് പുതുക്കാനുള്ള അപേക്ഷകള്‍ രേഖകള്‍ സഹിതം ജൂണ്‍ 15 നകം
