കൽപ്പറ്റ:
കുട്ടികളുടെ ആരോഗ്യ സംരക്ഷണത്തിൽ വിപുലമായ ബോധവൽക്കരണം വേണമെന്ന് കലക്ടർ ഡി.ആർ.മേഘശ്രീ. മികച്ച വിജയത്തിന് ആരോഗ്യവും പ്രധാനമെന്ന് കലക്ടർ .
ലയൺസ് ഇൻ്റർനാഷണലിൻ്റെ നേതൃത്വത്തിൽ
വയനാട് ജില്ലയിലെ മുഴുവൻ ഹയർസെക്കണ്ടറി സ്കൂളുകളിലും പഞ്ചസാരയുടെ അളവ് സൂചിപ്പിക്കുന്ന ‘ഷുഗർ ബോർഡ് ‘ സ്ഥാപിക്കുന്നതിൻ്റെ ജില്ലാതല ഉദ്ഘാടനം നിർവഹിച്ച് സംസാരിക്കുകയായിരുന്നു കലക്ടർ.
ന്യൂജൻ ഭക്ഷണ രീതിയെ തൻ്റെ കുട്ടികളുടെ ഉദാഹരണത്തിലൂടെ പറഞ്ഞാണ് ജില്ലാ കലക്ടർ പ്രസംഗമാരംഭിച്ചത്.
ഭക്ഷണ രീതിയിൽ പ്രത്യേക ശ്രദ്ധ വേണമെന്നും ജീവിതശൈലി രോഗങ്ങൾക്കെതിരെയുള്ള പ്രചരണത്തിൽ കുട്ടികൾ പങ്കാളികളാകണമെന്നും കലക്ടർ പറഞ്ഞു.
ജില്ലാ ഭരണകൂടം, ഭക്ഷ്യസുരക്ഷാ വകുപ്പ് എന്നിവരുടെ സഹകരണത്തോടെ പഞ്ചസാരയുടെ അമിത ഉപയോഗത്തിനെതിരെയുള്ള ബോധവൽക്കരണ പദ്ധതി
ലയൺസ് ക്ലബ്ബ് നടപ്പിലാക്കുന്നത്.
ആദ്യഘട്ടത്തിൽ ജില്ലയിലെ 40 സ്കൂളുകളിലാണ് ബോർഡുകൾ സ്ഥാപിക്കുക.
കുട്ടികൾക്കിടയിൽ പ്രമേഹരോഗം കൂടിവരുന്ന സാഹചര്യത്തിലാണ് പദ്ധതി നടപ്പിലാക്കാൻ തീരുമാനിച്ചതെന്ന് ലയൺസ് ക്ലബ്ബ് ഭാരവാഹികൾ പറഞ്ഞു. മധുരപാനീയങ്ങളുടെ അമിതമായ ഉപയോഗം മൂലമാണ് പ്രധാനമായും കുട്ടികളിൽ പ്രമേഹരോഗം ഉണ്ടാവുന്നത്. അമിതമായ പഞ്ചസാര ഉപയോഗം പൊണ്ണത്തടി , ഹൃദയരോഗങ്ങൾ, ശാരീരിക മാനസിക പ്രശ്നങ്ങൾ എന്നിവയ്ക്കും കാരണമാകുന്നു. ഒരാൾക്ക് ദിവസം 25 ഗ്രാം പഞ്ചസാരയാണ് ഐസിഎംആർ ശുപാർശ ചെയ്യുന്നത്. എന്നാൽ 300 മില്ലി മധുരപാനീയങ്ങളിൽ 21 ഗ്രാം മുതൽ 42 ഗ്രാം വരെയാണ് പഞ്ചസാരയുടെ അളവ്.
നിലവിൽ
കോഴിക്കോട് ജില്ലയിലെ
40 സ്കൂളുകളിൽ ഷുഗർ ബേ ബോർഡുകൾ സ്ഥാപിച്ചു കഴിഞ്ഞു. കണ്ണൂർ കാസർഗോഡ് ജില്ലകളിലും പദ്ധത നടപ്ഷുനടപ്പാക്കും. പദ്ധതിയുടെ ജില്ലാതല ഉദ്ഘാടനം കൽപ്പറ്റ എസ് കെ എം ജെ സ്കൂളിലാണ് നടന്നത്. .
കെ .കെ സെൽവരാജ് അധ്യക്ഷനായിരുന്നു.
വർഗീസ് വൈദ്യൻ അതിഥിയായിരുന്നു.
നോഡൽ ഫുഡ് സേഫ്റ്റി ഓഫീസർ എം കെ രേഷ്മ മുഖ്യ പ്രഭാഷണം നടത്തി.
കെ എം ജെ ഹയർസെക്കൻഡറി സ്കൂൾ പ്രിൻസിപ്പാൾ സാവിയോ ഓസ്റ്റിൻ, ലയൺസ് ക്ലബ്ബ് പ്രസിഡണ്ട് പി വി സുന്ദരം,
ജേക്കബ് സി വർക്കി,ഡോ. റോജേഴ്സ് സെബാസ്റ്റ്യൻ ,
ഷാജി ജോസഫ്, ടി എ പ്രസിഡണ്ട് ബിനി കെ പ്രേംകുമാർ പി എൽ ജോൺസൺ എം. വിവേകാനന്ദൻ
എന്നിവർ പങ്കെടുത്തു.
