കൽപ്പറ്റ :താമരശ്ശേരി ചുരം ഒന്പതാം വളവിന് സമീപം യുവാവ് കൊക്കയില് വീണ് മരിച്ചു. വയനാട്ടിലേക്കുള്ള വിനോദയാത്രയ്ക്കിടെ ആയിരുന്നു സംഭവം.
വടകര വളയം തോടന്നൂര് വരക്കൂര് സ്വദേശിയായ അമല് (23) ആണ് മരിച്ചത്. ഇന്ന് പുലര്ച്ചെ ഒന്നരയോടെയാണ് അപകടമുണ്ടായത്.
വയനാട് ഭാഗത്തേക്ക് ട്രാവലര് വാഹനത്തില് പോകുബോള് മൂത്രമൊഴിക്കാനായി ഇറങ്ങിയപ്പോഴാണ് കാല് തെന്നി അബദ്ധത്തില് കൊക്കയിലേക്ക് വീണത്. കോഴിക്കോട്ടെ സ്വകാര്യ സ്ഥാപനത്തില് ഡ്രൈവറായി ജോലി നോക്കുന്ന അമല് സഹപ്രവര്ത്തകര്ക്കൊപ്പം വയനാട്ടിലേക്ക് വിനോദയാത്ര പോകുകയായിരുന്നു.
അമല് അടക്കം 13 പേരാണ് വാഹനത്തില് ഉണ്ടായിരുന്നത്. കല്പ്പറ്റയില് നിന്നെത്തിയ ഫയര്ഫോഴ്സ് സംഘമാണ്
അമലിനെ
കൊക്കയില് നിന്നും പുറത്തെടുത്തത്. ഉടന് തന്നെ ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു.
