എല്ലാവരുടെയും വീട്ടില് കാണുന്ന ഒന്നാണ് പ്ലാസ്റ്റിക് സ്റ്റൂളുകള്. വ്യത്യസ്ത നിറത്തിലും വിവിധ ആകൃതിയിലും ഇവ ലഭ്യമാണ്.പ്ലാസ്റ്റിക് സ്റ്റൂളുകള് അത്ര വേഗം കേടാവില്ലെന്നതാണ് ഇതിന്റെ മറ്റൊരു പ്രത്യേകത. എല്ലാ പ്ലാസ്റ്റിക് സ്റ്റൂളുകള്ക്കും നടുവില് എന്തിനാണ് ദ്വാരം എന്ന് നിങ്ങള് ആലോചിച്ചിട്ടുണ്ടോ? അലങ്കാരത്തിനൊന്നും വേണ്ടിയല്ല. മറിച്ച് അത് മറ്റൊരു കാര്യത്തിനാണ്.
ആരെങ്കിലും അതില് ഇരിക്കുമ്ബോള് പൊട്ടുന്നത് തടയാനാണ് ഈ ദ്വാരം ഇട്ടിരിക്കുന്നത്. ദ്വാരങ്ങള് ചതുരാക്യതിയിലോ ഒന്നിലധികം കോണുകളിലോ ആണെങ്കില് പ്രയോഗിക്കുന്ന ബലം ആ കോണുകളില് കേന്ദ്രീകരിക്കും. ഇത് വിള്ളലുകളുടെ സാദ്ധ്യത വർദ്ധിപ്പിക്കുന്നു. എന്നാല് വൃത്താകൃതിയിലുള്ള ദ്വാരങ്ങള് ബലം തുല്യമായി വിതരണം ചെയ്യുന്നു. അങ്ങനെ സ്റ്റൂളിന് ശക്തി നിലനിർത്തുന്നു.
സ്റ്റൂളുകള് പലപ്പോഴും ഒന്നിന് മുകളില് ഒന്നായി അടുക്കി വയ്ക്കുന്നു. ഇത്തരത്തില് ദ്വാരങ്ങള് ഇല്ലെങ്കില് ഇങ്ങനെ അടുക്കിവച്ച സ്റ്റൂളുകള് വേർപ്പെടുത്തുക പ്രയാസമായിരിക്കും. ഈ ദ്വാരങ്ങള് സ്റ്റൂളുകള്ക്കിടയില് ഒരു വാക്വം ഉണ്ടാകുന്നത് തടയുന്നു. അതിനാല് വേഗത്തില് അടുക്കിവച്ച സ്റ്റൂളൂകള് വേർപ്പെടുത്താം.
സ്റ്റൂളുകളെ ഒരു സ്ഥലത്ത് നിന്ന് മറ്റൊരു സ്ഥലത്തേക്ക് എടുത്തുകൊണ്ടുപോകാനും ദ്വാരങ്ങള് ആവശ്യമാണ്. ദ്വാരങ്ങളില് പിടിച്ച് വളരെ എളുപ്പത്തില് ഇതിനെ നീക്കാൻ കഴിയും. ദ്വാരങ്ങളുടെ വലിപ്പം ശ്രദ്ധിച്ചില്ലെങ്കില് ഇവ ഉപയോഗശൂന്യമാകും. വലിയ ദ്വാരങ്ങളോ തീരെ ചെറിയ ദ്വാരങ്ങളോ സ്റ്റൂളിന്റെ ഘടനയെയും ഉപയോഗത്തെയും ബാധിക്കുന്നു.
