കൽപ്പറ്റ: മുണ്ടക്കൈചൂരൽമല ദുരന്ത ബാധിതർക്കായി കൽപ്പറ്റ എൽസ്റ്റൺ
എസ്റ്റേറ്റിൽ നിർമ്മിക്കുന്ന ടൗൺഷിപ്പ് മാർച്ച് 27 ന് മുഖ്യമന്ത്രി പിണറായി വിജയൻ തറക്കല്ലിടുമെന്ന് ജില്ലാ കളക്ടർ ഡി.ആർ മേഘശ്രീ അറിയിച്ചു. ടൗൺ ഷിപ്പിലേക്കുള്ള ആദ്യഘട്ട ഗുണഭോക്ത്യ പട്ടികയിലെ 89 ഗുണഭോക്താക്കളെ ജില്ലാ കളക്ടർ ഡി.ആർ മേഘശ്രീ രണ്ടാംദിനത്തിൽ നേരിൽ കണ്ടു സംസാരി ച്ചു. ജില്ലാ കളക്ടറെ നേരിൽ കണ്ട് ആശയവിനിമയം നടത്തിയവരിൽ 8 പേർ ടൗൺഷിപ്പിൽ വീടിനായി സമ്മതപത്രം നൽകി. കളക്ടറേറ്റ് മിനി കോൺഫറൻസ് ഹാളിൽ നടന്ന കൂടിക്കാഴ്‌ചയിൽ ടൗൺഷിപ്പിൽ 10 സെൻ്റ് സ്ഥലവും സാമ്പ ത്തിക സഹായമായി 40 ലക്ഷം അനുവദിക്കണമെന്ന ആവശ്യം ജില്ലാ കളക്ടറെ അറിയിച്ചു. ടൗൺഷിപ്പിൽ നിർമ്മിക്കുന്ന വീടിൻ്റെ പ്ലാനിൽ അടയാളപ്പെടുത്തിയ മേൽക്കൂരയിലെ ചരിഞ്ഞ പ്രതലം നിരപ്പാക്കണമെന്നും വീടിനോട് ചേർന്ന് പുറത്തായി നിർമ്മിച്ച സ്‌റ്റെയർ അകത്ത് ഉൾപ്പെടുത്തണമെന്നും ആവശ്യപ്പെട്ടു.
‘ഒന്നും അന്ധമായി വിശ്വസിക്കരുത്’; ആർട്ടിഫിഷ്യൽ ഇന്റലിജൻസ് ഉപയോഗത്തിൽ ജാഗ്രത പാലിക്കണമെന്ന് ഗൂഗിൾ സിഇഒ സുന്ദർ പിച്ചൈ
കാലിഫോര്‍ണിയ: ആർട്ടിഫിഷ്യൽ ഇന്റലിജൻസ് പറയുന്നതെല്ലാം അന്ധമായി വിശ്വസിക്കരുതെന്ന് ഗൂഗിൾ ചീഫ് എക്സിക്യൂട്ടീവ് ഓഫീസർ സുന്ദർ പിച്ചൈ. എഐ നിക്ഷേപത്തിലെ നിലവിലെ കുതിച്ചുചാട്ടം എല്ലാ കമ്പനികളെയും ബാധിക്കുന്ന ഒരു കുമിള പൊട്ടിത്തെറിയിലേക്ക് നയിച്ചേക്കാമെന്നും അദ്ദേഹം കൂട്ടിച്ചേർത്തു.
