സംസ്ഥാനത്ത് ട്രിപ്പിള് നെഗറ്റീവ് ബ്രസ്റ്റ് ക്യാന്സറിനുള്ള വാക്സിന് വികസിപ്പിക്കുമെന്നും ക്യാന്സര് ചികിത്സയ്ക്കായി 24 ആശുപത്രികള് വികേന്ദ്രീകരിച്ചതായും ആരോഗ്യ-വനിതാ-ശിശു വികസന വകുപ്പ് മന്ത്രി വീണാ ജോര്ജ് പറഞ്ഞു. നല്ലൂര്നാട് ക്യാന്സര് സെന്ററില് സ്ഥാപിച്ച സി.ടി സിമുലേറ്റര് സ്കാന് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. നല്ലൂര്നാട് ക്യാന്സര് കെയര് സെന്ററിലെത്തുന്ന രോഗികള്ക്ക് ഒരു വര്ഷം 5500 കീമോതെറാപ്പിയും 600 റേഡിയേഷനുമാണ് ചെയ്യുന്നത്. കര്ണ്ണാടക, തമിഴ്നാട് ഇതര സംസ്ഥാനങ്ങളില് നിന്നെത്തുന്ന 150 ലേറെ രോഗികള്ക്കും ചികിത്സാ സൗകര്യം ഒരുക്കുന്നുണ്ട്. ആരോഗ്യം-ആനന്ദം- അകറ്റാം അര്ബുദം ക്യാമ്പയിന്റെ ഭാഗമായി ജില്ലയിലെ വനിതകള്ക്കിടയില് നടത്തിയ ക്യാന്സര് പരിശോധനയില് 76,000 പേര് പങ്കാളികളായി. പരിശോധനക്ക് വിധേയരായവരില് നിന്നും പുതിയതായി 18 പേര്ക്ക് രോഗം സ്ഥിരീകരിച്ചതായി മന്ത്രി അറിയിച്ചു. ക്യാമ്പിന്റെ ഭാഗമായി വരും ദിവസങ്ങളില് പുരുഷന്മാരിലും പരിശോധന നടത്തും. രോഗ ഭയത്തെ അതിജീവിച്ച് എല്ലാവരും പരിശോധനയ്ക്ക് വിധേയമാകണമെന്നും മന്ത്രി പറഞ്ഞു. സി.ടി സിമുലേറ്റര് പ്രവര്ത്തന സജ്ജമാകുന്നതോടെ റേഡിയോതെറാപ്പി ചികിത്സയില് കൃത്യതയോടെ ചികിത്സ സാധ്യമാകും. റേഡിയോതെറാപ്പിക്കുള്ള മാര്ക്ക് പ്ലാനിങ്ങിന് ആവശ്യമായ രീതിയില് ത്രീഡി ഇമേജിങ് സാധ്യമാക്കുകയാണ് സി.ടി സിമുലേറ്ററിലൂടെ. 7.21 കോടിയുടെ വയനാട് പാക്കേജിലൂള്പ്പെടുത്തിയാണ് നല്ലൂര്നാട് ക്യാന്സര് സെന്ററില് സി.ടി സ്കാന് പൂര്ത്തീകരിച്ചത്. സെന്ററിലെത്തുന്ന രോഗികള്ക്ക് കാര്യണ്യ, ജന് ഔഷധികളിലൂടെ ഒരു വര്ഷം 4.5 കോടിയുടെ മരുന്നുകളാണ് വിതരണം ചെയ്യുന്നത്. മീനങ്ങാടി സാമൂഹികാരോഗ്യ കേന്ദ്രത്തിലെ കുത്തിവെപ്പ് ബ്ലോക്ക്, തരിയോട്,പൊരുന്നന്നൂര് സാമൂഹികാരോഗ്യ കേന്ദ്രങ്ങകള് പ്രാഥമികാരോഗ്യ കേന്ദ്രങ്ങളായി ഉയര്ത്തല്, പാക്കം, മുള്ളന്കൊല്ലി, കാപ്പുംകുന്ന്, ചുള്ളിയോട്, വരദൂര്, കുറുക്കന്മൂല പ്രാഥമികാരോഗ്യ കേന്ദ്രങ്ങള് കുടുംബാരോഗ്യ കേന്ദ്രങ്ങളാക്കി ഉയര്ത്തല്, ജില്ലയിലെ 55 ആരോഗ്യ ഉപ കേന്ദ്രങ്ങള് ജനകീയ ആരോഗ്യ കേന്ദ്രങ്ങളായി ഉയർത്തൽ എന്നിവയുടെ ഉദ്ഘാടനം മന്ത്രി ഓണ്ലൈനായി നിര്വഹിച്ചു. പട്ടികജാതി-പട്ടികവര്ഗ്ഗ-പിന്നാക്കക്ഷേമ വകുപ്പ് മന്ത്രി ഒ.ആര് കേളു അധ്യക്ഷനായി. എം.എല്.എ ഐ.സി ബാലകൃഷ്ണന്, മാനന്തവാടി നഗരസഭാധ്യക്ഷ സി.കെ രത്നവല്ലി, മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിന് ബേബി, എടവക ഗ്രാമപഞ്ചായത്ത് പ്രസിഡന്റ് അഹമ്മദ് കുട്ടി ബ്രാന്, മാനന്തവാടി ബ്ലോക്ക് പഞ്ചായത്ത് വൈസ് പ്രസിഡന്റ് എ.കെ ജയഭാരതി, ജില്ലാ മെഡിക്കല് ഓഫീസര് ഡോ.ടി മോഹന്ദാസ്, ജനപ്രതിനിധികള്, രാഷ്ട്രീയ പാര്ട്ടി പ്രതിനിധികൾ, ഉദ്യോഗസ്ഥര് എന്നിവര് പങ്കെടുത്തു.
‘ഇറാൻ്റെ ക്ഷമ ഇതുവരെ ലോകം കണ്ടു; ഹോർമൂസ് ഉപരോധം അംഗീകരിക്കാനാകില്ല’; മുന്നറിയിപ്പുമായി ഇറാൻ
ഹോർമൂസ് കടലിടുക്കിൽ അമേരിക്കൻ നാവികസേന തുടരുന്ന ഉപരോധത്തെ രൂക്ഷമായി വിമർശിച്ച് ഇറാൻ പ്രസിഡൻ്റ് മസൂദ് പെസഷ്കിയാൻ. ഇറാൻ്റെ ക്ഷമ ഇതുവരെ ലോകം കണ്ടെന്നും ഹോർമൂസിൽ ഉപരോധം തുടരുന്നത് അംഗീകരിക്കാനാകില്ലെന്നും മസൂദ് പെസഷ്കിയാൻ പറഞ്ഞു. ഇറാനെതിരെ
