2024 നവംബർ വരെ കെ.ടെറ്റ് പരീക്ഷ വിജയിച്ചവർക്കുള്ള സർട്ടിഫിക്കറ്റ് പരിശോധന മെയ് 14 മുതൽ 16 വരെ കൽപറ്റ എസ്. കെ.എം.ജെ സ്കൂളിൽ നടക്കും. മെയ് 14 രാവിലെ 10 മുതൽ ഒരു മണി വരെ കാറ്റഗറി ഒന്നിനും ഉച്ചയ്ക്ക് രണ്ട് മുതൽ അഞ്ച് വരെ കാറ്റഗറി നാലിനും പരിശോധന നടക്കും. 15 ന് രാവിലെ 10 മുതൽ അഞ്ച് വരെ കാറ്റഗറി രണ്ടിനും ,16 ന് രാവിലെ 10 മുതൽ വൈകിട്ട് അഞ്ച് വരെ കാറ്റഗറി മൂന്നിനും സർട്ടിഫിക്കറ്റ് പരിശോധന നടക്കും. യോഗ്യത സർട്ടിഫിക്കറ്റുകളുടെ അസ്സലും സ്വയം സാക്ഷ്യപ്പെടുത്തിയ പകർപ്പും, കെ.ടെറ്റ് റിസൾട്ട് ഡൗൺലോഡ് ചെയ്ത ഷീറ്റും, ഹാൾ ടിക്കറ്റിന്റെ അസ്സലും, പകർപ്പും സഹിതം പരിശോധനയ്ക്ക് ഹാജരാകണം. ഫോൺ: 04936 202264
ശ്രേയസ് അക്ഷയ സ്വാശ്രയ സംഘം വാർഷികം നടത്തി.
മൂലങ്കാവ് യൂണിറ്റിലെ അക്ഷയ സ്വാശ്രയ സംഘത്തിന്റെ വാർഷികാഘോഷം സുൽത്താൻ ബത്തേരി നഗരസഭ കൗൺസിലർ പ്രീതി രവി ഉദ്ഘാടനം ചെയ്തു. വൈസ് പ്രസിഡന്റ് സഷ്മ ഹരീഷ് അധ്യക്ഷത വഹിച്ചു. വത്സ ജോസ് വാർഷിക റിപ്പോർട്ടും,കണക്കും അവതരിപ്പിച്ചു.
