വയനാട് ജില്ലാ കളക്ടറുടെ ‘ഗുഡ് മോർണിംഗ് കളക്ടർ’ സംവാദ പരിപാടിയിൽ ജില്ലയുടെ ആരോഗ്യ മേഖലയിലെ വെല്ലുവിളികളും എം ബി ബി എസ് വിദ്യാർത്ഥികൾക്കുള്ള പങ്കിനെകുറിച്ചും വിശദമായ സംവാദങ്ങൾ നടത്തി മേപ്പാടി ഡോ മൂപ്പൻസ് മെഡിക്കൽ കോളേജ് മെഡിക്കൽ വിദ്യാർത്ഥികൾ. മെഡിക്കൽ വിദ്യാഭ്യാസത്തോടൊപ്പം സാമൂഹിക അവബോധം വളർത്താനാവശ്യമായ പദ്ധതികൾ ആവിഷ്ക്കരിക്കേണ്ടതുണ്ട്. പൊതു ജനങ്ങൾക്ക് ഉപകാരപ്രദമാകും വിധമുള്ള മെഡിക്കൽ ക്യാമ്പുകളിലും ബോധവത്കരണ പരിപാടികളിളും മെഡിക്കൽ വിദ്യാർത്ഥികൾ മുന്നോട്ട് വരണമെന്ന് ജില്ലാ കളക്ടർ ഡി. ആർ മേഘശ്രീ അഭിപ്രായപ്പെട്ടു. ഗുഡ് മോർണിംഗ് കളക്ടർ സംവാദ പരിപാടിയിൽ ആദ്യമായാണ് എം ബി ബി എസ് വിദ്യാർത്ഥികൾ പങ്കെടുക്കുന്നത്. ഡോ. മൂപ്പൻസ് മെഡിക്കൽ കോളേജിലെ ഫാർമകോളജി വിഭാഗം അസോസിയേറ്റ് പ്രൊഫ ഡോ രാഗേഷിന്റെ നേതൃത്വത്തിൽ 2022 ബാച്ചിലെ 15 മെഡിക്കൽ വിദ്യാർത്ഥികളാണ് ഗുഡ് മോർണിംഗ് കളക്ടർ പരിപാടിയിൽ പങ്കെടുത്തത്.
സി-മാറ്റ് പരിശീലനം
കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‍മെന്റ് (കിക്‌മ) സി-മാറ്റ് പരീക്ഷയ്ക്കുള്ള സൗജന്യ ഓൺലൈൻ പരിശീലനം സംഘടിപ്പിക്കുന്നു. വിദ്യാർത്ഥികൾ നവംബർ 20 വൈകിട്ട് അഞ്ചിനകം https://bit.ly/cmat25 മുഖേനെ രജിസ്റ്റർ ചെയ്യണം. ഫോൺ: 8548618290, 8281743442 Facebook
