കൽപ്പറ്റ: മേപ്പാടി പഞ്ചായത്ത് സെക്രട്ടറിയെ മർദ്ദിച്ച സംഭവത്തിൽ എൻ.ജി. അസോസിയേഷൻ പഞ്ചായത്ത് ജോ: ഡയറക്ടറുടെ കാര്യാലയത്തിന് മുന്നിൽ പ്രതിഷേധ പരിപാടി സംഘടിപ്പിച്ചു. ജില്ലാ പ്രസിഡന്റ് കെ. ടി ഷാജി ഉദ്ഘാടനം ചെയ്തു. പോലീസ് എഫ്.ഐ.ആർ ഇട്ടെങ്കിലും ദുർബല വകുപ്പുകളാണ് ചുമത്തിയിട്ടുള്ളത്, ഇത് ജീവനക്കാരോടുള്ള വെല്ലുവിളിയും അക്രമികൾക്ക് കുടുതൽ ആത്മവിശ്വാസം നൽകുന്നതുമാണ്.
ഇടത് സർക്കാറിന്റെ 9 വർഷ കാലവും കേരളത്തിൽ ജീവനക്കാരേ ഇത്തരത്തിൽ പീഢിപ്പിക്കുയാണെന്നും, ജോലി സമ്മർദ്ദവും രാഷ്ട്രീയ ഇടപെടലുകളും പല ജീവനക്കാരുടേയും ജീവൻ അപഹരിക്കുന്നതിന് വരെ കാരണമായിരിക്കുകയാണ്. നിയമങ്ങൾ കൃത്യമായി പാലിച്ച് ഓഫീസ് നടപടിക്രമങ്ങൾ കൃത്യതയോടു കൂടി ചെയ്യുന്ന ആളുകൾ പോലും ആക്രമിക്കപ്പെടുന്നത് ആശാസ്യമല്ല. ഓഫീസുകളിൽ ജീവനക്കാർക്ക് സംരക്ഷണം നൽകാൻ അധികൃതർ തയ്യാറാവണമെന്നും അദ്ദേഹം ആവശ്യപ്പെട്ടു.
വി.എസ്. ശരത് അധ്യഷത വഹിച്ചു. ലൈജു ചാക്കോ, എം.ജി അനിൽകുമാർ, ഇ.വി ജയൻ,എം.വി സതീഷ് എന്നിവർ സംസാരിച്ചു. പി.ശ്രീജിത്ത്കുമാർ,നിഷാ പ്രസാദ്, കെ.ജി.പ്രശോഭ്, വി.മുരളി, സിബി ജോസഫ് എന്നിവർ പ്രതിഷേധ പരിപാടിക്ക് നേതൃത്വം നൽകി.
