മുൻമുഖ്യമന്ത്രിയും സിപിഐഎം എന്ന മഹാപ്രസ്ഥാനത്തിന്റെ സ്ഥാപകനേതാക്കളില് ഒരാളുമായ വി.എസ് അച്യുതാനന്ദൻ ഇനി സ്മരണകളിരമ്പുന്ന നക്ഷത്രം. പുന്നപ്ര-വയലാറിലെ ധീരവിപ്ലവകാരികള് ഉറങ്ങുന്ന ആലപ്പുഴ വലിയചുടുകാട്ടില്, അവർക്കൊപ്പം ഇനി സഖാവ് വിഎസിനും അന്ത്യവിശ്രമം. കമ്മ്യൂണിസ്റ്റ് നേതാക്കളായ ടി.വി തോമസിന്റെയും പി.ടി പുന്നൂസിന്റെയും അന്ത്യവിശ്രമ ഭൂമിക്ക് നടുവിലാണ് വിഎസിനും അന്ത്യവിശ്രമ സ്ഥലമൊരുക്കിയത്. വലിയ ചുടുകാട്ടില് പ്രവേശന ഗേറ്റിന്റെ ഇടതുഭാഗത്താണ് വിഎസിന്റെ സംസ്കാരം നടന്നത്. പാര്ട്ടി പ്രവര്ത്തകര് മുദ്രാവാക്യം വിളിച്ച് അഭിവാദ്യം അര്പ്പിച്ച ശേഷം വിഎസിന്റെ മകന് അരുണ് കുമാര് ചിതയ്ക്ക് തീകൊളുത്തി. സെക്രട്ടറിയേറ്റിലെ ദര്ബാര് ഹാളില് നിന്ന് ചൊവ്വാഴ്ച ഉച്ചയ്ക്ക് രണ്ടരയോടെ ആരംഭിച്ച വിലാപയാത്ര ജനസാഗരത്തിന് നടുവിലൂടെ ഇന്നലെ രാവിലെ കൊല്ലവും ആലപ്പുഴയും പിന്നിട്ടാണ് വിഎസിന്റെ സ്വന്തം വേലിക്കകത്ത് വീട്ടിലേക്ക് എത്തിയത്. 22 മണിക്കൂറുകള് പിന്നിട്ട വിലാപയാത്രയ്ക്കാണ് കേരളം ഒരു രാത്രിയും രണ്ട് പകലും സാക്ഷ്യം വഹിച്ചത്. കുടുംബാംഗങ്ങള്ക്ക് വിഎസിന് അന്തിമോപചാരം അര്പ്പിക്കാന് വീടിനുള്ളില് പ്രത്യേകം സൗകര്യം ഒരുക്കിയിരുന്നു. ശേഷം പൊതുദര്ശനത്തിനായി മുറ്റത്ത് തയ്യാറാക്കിയ പന്തലിലേക്ക് ഭൗതിക ശരീരം മാറ്റുകയായിരുന്നു.
‘നീ ചെയ്യുന്നത് ഞാന് താങ്ങും, പക്ഷെ നീ താങ്ങില്ല’; രാഹുല് അതിജീവിതയ്ക്ക് അയച്ച ഭീഷണി സന്ദേശങ്ങൾ പുറത്ത്
തിരുവനന്തപുരം: ബലാത്സംഗക്കേസില് അറസ്റ്റിലായ രാഹുല് മാങ്കൂട്ടത്തില് അതിജീവിതയെ ഭീഷണിപ്പെടുത്തുന്ന സന്ദേശങ്ങള് പുറത്ത്. പേടിപ്പിക്കാന് നീ അല്ല ലോകത്ത് ഒരു മനുഷ്യനും നോക്കേണ്ട, പേടിക്കാന് ഉദ്ദേശമില്ല, ഇനി അങ്ങോട്ട് ഓരോരുത്തര്ക്കും അവരുടെ കുടുംബത്തിനും തിരിച്ചുകൊടുക്കും എന്ന്
