ജീവിതോത്സവം 2025 പരിപാടിയുടെ ജില്ലാതല സമാപനം നടന്നു.

മിനങ്ങാടി : 21 ദിവസങ്ങളിലായി ഹയർസെക്കൻഡറി നാഷണൽ സർവീസ് നേതൃത്വത്തിൽ നടന്ന ജീവിതോത്സവം പരിപാടിയ്ക്ക് ജില്ലയിൽ സമാപനമായി . ജില്ലയിലെ 54 യൂണിറ്റുകളിലാണ് ജീവിതോത്സവം പരിപാടി സംഘടിപ്പിച്ചത് .
ജില്ലയിൽ ഹയർസെക്കൻ്ററി സ്കൂളുകളിൽ ജീവിതോൽസവം
കൗമാരക്കാരായ ഹയർസെക്കൻഡറി വിദ്യാർത്ഥികളുടെ സർഗ്ഗശേഷിയും ഊർജ്ജവും അഭിലഷണീയമായ പുതുവഴികളിലൂടെ ചിട്ടയോടെ പ്രസരിപ്പിച്ച് ആധുനിക ജനാധിപത്യ സമൂഹങ്ങൾക്ക് ഉചിതമായ രീതിയിൽ അവരുടെ വ്യക്തിത്വം സമഗ്രമായി സ്ഫുടം ചെയ്തെടുക്കാൻ ലക്ഷ്യമിട്ട് നടപ്പിലാക്കുന്ന പദ്ധതിയാണ് ജീവിതോത്സവം.ലഹരി വസ്തുക്കളുടെ ഉപയോഗം, ഡിജിറ്റൽ അഡിക്ഷൻ ,ആത്മഹത്യ പ്രവണത, അപകടകരമായ അക്രമവാസന തുടങ്ങിയ വിപത്തുകൾക്ക് കേവലം ബോധവൽക്കരണം കൊണ്ട് പരിഹാരമാർഗ്ഗം ആകില്ല എന്ന് ബോധ്യമായിട്ടുണ്ട്.ഇതിൻ്റെ വെളിച്ചത്തിലാണ് 21 ദിവസങ്ങൾ നീണ്ടുനിൽ പ്രവർത്തനാധിഷ്ഠിതമയ ചലഞ്ചുകൾ ഉൾപ്പെടുത്തി വ്യക്തിഗത പ്രവർത്തന പദ്ധതി സംഘടിപ്പിച്ചത് .പ്രസ്തുത പദ്ധതിയുടെ പരിസമാപ്തിയോടനുബന്ധിച്ച് സ്റ്റേറ്റ് ഇൻറഗ്രേഷൻ കാർണിവൽ 21,22 തീയതികളിൽ തിരുവനന്തപുരത്ത് കനകക്കുന്ന് കൊട്ടാരത്തിൽ സംഘടിപ്പക്കുന്നതാണ്. ജില്ലയിൽ നിന്ന് തെരഞ്ഞെടുക്കുന്ന ഒരു വളണ്ടിയർന്ന മാത്രമാണ് ഇതിൽ പങ്കെടുക്കാൻ അവസരം .
നല്ലൊരു നാളെക്കായി നമുക്ക് ഒരുക്കാം 21 സുദിനങ്ങൾ എന്ന ലക്ഷ്യത്തോടെയാണ് പദ്ധതി നടപ്പിലാക്കിയത്. .21 ദിവസത്തെ പരിപാടികളിൽ ലഹരിക്കെതിരെ ഒപ്പുമരം, ഏകദിന ഡിജിറ്റൽ ഉപവാസം, ലഹരി വിരുദ്ധ ചിത്രമതിൽ, ജീവിതോത്സവം കാർണിവൽ എന്നിവ പരിപാടിയുടെ ഭാഗമായി സംഘടിപ്പിച്ചു .
ജീവിതോത്സവം പരിപാടിയുടെ സമാപന സമ്മേളനം മീനങ്ങാടി ഹയർസെക്കൻഡറി സ്കൂളിൽ നടന്നു . ഗ്രാമപഞ്ചായത്ത് പ്രസിഡണ്ട് കെ ഇ വിനയൻ പരിപാടി ഉദ്ഘാടനം ചെയ്തു.ജില്ലാ പഞ്ചായത്ത് ഡിവിഷൻ മെമ്പർ സിന്ധു ശ്രീധരൻ ,, വാർഡ് മെമ്പർമാരായ ടി പി ഷിജു , പി വി വേണുഗോപാൽ ,ഹയർസെക്കൻഡറി ജില്ലാ കോഡിനേറ്റർ ഷിവി കൃഷ്ണൻ ,എൻഎസ്എസ് ജില്ലാ കൺവീനർ കെ. എസ് ശ്യാൽ, പിടിഎ പ്രസിഡണ്ട് എസ് ഹാജിസ് ,സ്റ്റാഫ് സെക്രട്ടറി പി കെ സരിത , പ്രോഗ്രാം ഓഫീസർ പി ടി ജോസ് , വൊളണ്ടിയർ ലീഡർ എം. ജെ ജിബ എന്നിവർ സംസാരിച്ചു