കോട്ടത്തറ:സിപിഎമ്മിന്റെ പ്രവർത്തനങ്ങളിൽ മനം മടുത്ത് രാജിവെച്ച് ഇന്ത്യൻ നാഷണൽ കോൺഗ്രസിലേക്ക് വന്ന കോട്ടത്തറ പഞ്ചായത്ത് മാടക്കുന്ന് വാർഡിലെ സി പി എം പ്രവർത്തകരായ കുളത്തിങ്കൽ സിറിയക്, ആലീസ് എന്നിവർക്ക് മണ്ഡലം പ്രസിഡൻ്റ് സി സി തങ്കച്ചൻ മെമ്പർഷിപ്പ് നൽകി പാർട്ടിയിലേക്ക് സ്വീകരിച്ചു.വാർഡ് പ്രസിഡൻ്റ് പി.ജെ വിൻസെൻ്റ് അധ്യക്ഷത വഹിച്ചു. യു ഡി എഫ് കൺവീനർ സുരേഷ് ബാബുവാളൽ, പി ജെ ആൻ്റണി, അനീഷ്‌ പി എൽ,വി ജെ സ്റ്റീഫൻ, കെ.കെ സദാനന്ദൻ, പി കെ രാധാകൃഷ്ണൻ, ജോർജ് കുന്നത്ത്, ജോസ് ഞാറക്കുളം, സണ്ണി കുന്നത്ത് ,ഡേവിഡ് വിൻസെൻ്റ് എന്നിവർ സംസാരിച്ചു.
മൂന്നുതൊട്ടിപ്പടി റോഡ് ഉദ്ഘാടനം ചെയ്തു
വർഷങ്ങളുടെ കാത്തിരിപ്പിന് വിരാമം കുറിച്ച് ചെന്നലോട് മൂന്നുതൊട്ടിപ്പടി റോഡ് യാത്രക്കായി തുറന്നു കൊടുത്തു. കൽപ്പറ്റ ബ്ലോക്ക് പഞ്ചായത്ത് അനുവദിച്ച 10 ലക്ഷം രൂപ വിനിയോഗിച്ചാണ് തരിയോട് ഗ്രാമപഞ്ചായത്ത് ചെന്നലോട് വാർഡിലെ റോഡ് പ്രവൃത്തി പൂർത്തീകരിച്ചത്.
