അമ്പലവയൽ:വിദ്യാർത്ഥികൾക്ക് അന്താരാഷ്ട്ര നിലവാരത്തിലുള്ള മികച്ച പഠനാനുഭവങ്ങൾ ലഭ്യമാക്കുന്നതിനും രസകരവും ഫലപ്രദവുമായ പഠനം സാധ്യമാക്കുന്നതിനും അമ്പലവയൽ ഗ്രാമപഞ്ചായത്ത് വാർഷിക പദ്ധതിയിൽ ഉൾപ്പെടുത്തി 19.5 ലക്ഷം രൂപ ചെലവിൽ അമ്പലവയൽ ഗവ. എൽ.പി. സ്കൂളിൽ നിർമ്മിച്ച ആധുനിക സജ്ജീകരണങ്ങളോടു കൂടിയ വെർച്വൽ ലാബ് വയനാട് ജില്ലാ കലക്ടർ ഡി.ആർ മേഘശ്രീ ഐ.എ.എസ് നാടിനു സമർപ്പിച്ചു.വയനാട് ജില്ലയിൽ ആദ്യമായാണ് ഒരു ഗവൺമെൻറ് സ്കൂളിൽ ഇത്തരത്തിലുള്ള ഒരു സംരംഭം നടപ്പിലാക്കുന്നത്.എസ് എസ് കെ നടപ്പിലാക്കുന്ന ക്ലാസ് റൂം ലാബിൻ്റെ ഉദ്ഘാടനം അമ്പലവയൽ ഗ്രാമപഞ്ചായത്ത് പ്രസിഡണ്ട് സി കെ ഹഫ്സത്ത് നിർവഹിച്ചു. ഗ്രാമപഞ്ചായത്ത് വൈസ് പ്രസിഡൻറ് കെ ഷമീർ അധ്യക്ഷത വഹിച്ചു. ജില്ലാ വിദ്യാഭ്യാസ ഓഫീസർ വി എ ശശീന്ദ്രവ്യാസ് , എസ് എസ് കെ ജില്ലാ പ്രോജക്ട് ഓഫീസർ വി അനിൽകുമാർ , വികസനകാര്യ സ്റ്റാൻഡിങ് കമ്മിറ്റി ചെയർമാൻ ജെസ്സി ജോർജ്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ടി ബി സെനു, ക്ഷേമകാര്യ സ്റ്റാൻഡിങ് കമ്മിറ്റിചെയർമാൻ ഷീജ ബാബു, ഗ്രാമപഞ്ചായത്ത് സെക്രട്ടറി കെ ഐ അബ്ദുൽ ജലീൽ പ്രധാനാദ്ധ്യാപകൻ ബിജു മാത്യു, പി.ടി.എ. പ്രസിഡണ്ട് സുലൈമാൻ എന്നിവർ സന്നിഹിതരായിരുന്നു.
വൈദ്യുതി മുടങ്ങും
വെള്ളമുണ്ട ഇലക്ട്രിക്കൽ സെക്ഷനു കീഴിലുള്ള വാളേരി, പാറക്കടവ്, കുനിക്കരച്ചാൽ ട്രാൻസ്ഫോർമർ പരിധികളിൽ നാളെ (തിങ്കളാഴ്ച) രാവിലെ 8.30 മുതൽ വൈകുന്നേരം 5.30 വരെ വൈദ്യുതി വിതരണം ഭാഗികമായി തടസപ്പെടും Facebook Twitter WhatsApp
