തവിഞ്ഞാൽ ഗ്രാമപഞ്ചായത്തിലെ പേരിയ – വട്ടോളി വാർഡുകളെ തമ്മിൽ ബന്ധിപ്പിക്കുന്ന വട്ടോളി പാലം നിർമാണത്തിന് അഞ്ച് കോടി രൂപയുടെ ഭരണാനുമതി. സംസ്ഥാന പൊതുമരാമത്ത് വകുപ്പാണ് തുക അനുവദിച്ചത്. സംസ്ഥാന പട്ടികജാതി- പട്ടിക വർഗ -പിന്നാക്കക്ഷേമ വകുപ്പ് മന്ത്രി ഒ.ആർ കേളുവിന്റെ നിരന്തര ഇടപെടലുകളുടെ ഫലമായാണ് പാലത്തിന് ഭരണാനുമതി ലഭിച്ചത്. റവന്യൂ കുന്ന്, എടലക്കുനി, വട്ടോളി, കുറ്റിവയൽ, കുനിയിമ്മൽ, വാളാട് എച്ച്.എസ് പ്രദേശ വാസികൾക്ക് ഏറെ ഉപകാരപ്രദമാവുന്ന ഈ പാലം പേരിയ സി.എച്ച്.സിയിൽ എത്തുന്ന രോഗികൾക്കും വാളാട് ഗവ ഹയർസെക്കൻഡറി സ്കൂളിലെയും ആലാറ്റിൽ സ്കൂളിലേയും വിദ്യാർത്ഥികൾക്കും ഏറെ പ്രയോജനകരമാകും. വർഷങ്ങളായുള്ള കാത്തിരിപ്പിനും നിരന്തര ശ്രമങ്ങൾക്കുമൊടുവിൽ പാലം നിര്മാണത്തിന് ഭരണാനുമതി ലഭിച്ചതിന്റെ സന്തോഷത്തിലാണ് പ്രദേശവാസികൾ.
കനത്ത ചൂട്;പാലുൽപ്പാദനത്തിൽ നേരിയ കുറവ്”
“തിരുവനന്തപുരം : വേനൽ കടുത്തതോടെ പാലുൽപ്പാദനത്തിൽ നേരിയ കുറവ്. കന്നുകാലികളിൽ ക്ഷീരോൽപ്പാദന ക്ഷമത കുറഞ്ഞതാണ് കാരണം. ഏപ്രിൽ പകുതിയായപ്പോൾ മിൽമയ്ക്കുമാത്രം ലഭിക്കുന്ന പാൽ മാർച്ചിലെ കണക്കിനെ അപേക്ഷിച്ച് 2.84 ശതമാനം കുറഞ്ഞു. മലബാർ മേഖലയിൽമാത്രം
