വിറ്റാമിന്‍ ബി12ന്‍റെ കുറവുണ്ടോ? ഈ സൂചനകളെ അവഗണിക്കരുത്
വിറ്റാമിന്‍ ബി12ന്‍റെ കുറവ് മൂലമുള്ള സൂചനകള്‍ എന്തൊക്കെയാണെന്ന് നോക്കാം.
ക്ഷീണം
വിറ്റാമിന്‍ ബി12ന്‍റെ കുറവ് മൂലം ചിലരില്‍ ക്ഷീണവും തളര്‍ച്ചയും ഉണ്ടാകാം.
കൈ- കാലു മരവിപ്പ്
വിറ്റാമിൻ ബി12 അഭാവം കൈ- കാലുകളിലെ മരവിപ്പിന് കാരണമാകും.
ഓര്‍മ്മക്കുറവ്, പെട്ടെന്ന് ദേഷ്യം വരൽ
വിഷാദരോഗം, പെട്ടെന്ന് ദേഷ്യം വരൽ, ഓര്‍മ്മക്കുറവ് എന്നിവയും ചിലപ്പോള്‍ വിറ്റാമിൻ ബി12 കുറവിന്‍റെ സൂചനയാകാം.
ഛർദ്ദി, ശ്വസിക്കാന്‍ ബുദ്ധിമുട്ട്
മനംമറിച്ചിൽ, ഛർദ്ദി, ദഹന പ്രശ്നങ്ങള്‍, വിശപ്പില്ലായ്മ, പെട്ടെന്ന് ഭാരം നഷ്ടമാകൽ, ശ്വസിക്കാന്‍ ബുദ്ധിമുട്ട് എന്നിവയും വിറ്റാമിന്‍ ബി12 അഭാവത്തിന്റെ ലക്ഷണങ്ങളാണ്.
വിളറിയ ചര്‍മ്മം, വായ്പ്പുണ്ണ്
വിളറിയ ചര്‍മ്മം, ചര്‍മ്മത്തിലെ മഞ്ഞനിറം, വായ്പ്പുണ്ണ് തുടങ്ങിയവയെല്ലാം ഒരുപക്ഷേ വിറ്റാമിന്‍ ബി12 അഭാവത്തിന്റെ ലക്ഷണങ്ങളാണ്.
കാഴ്ച നഷ്ടം, സംസാരിക്കാൻ ബുദ്ധിമുട്ട്
കാഴ്ച നഷ്ടം, സംസാരിക്കാൻ ബുദ്ധിമുട്ട്, പെരുമാറ്റത്തിൽ വ്യതിയാനങ്ങൾ എന്നിവയും ചിലരില്‍ ഉണ്ടാകാം.
