വയനാട് ജില്ലയില് ഇന്ന് (15.08.20) 48 പേര്ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.ആര്. രേണുക അറിയിച്ചു. വിദേശത്തുനിന്നെത്തിയ രണ്ടു പേര്, ഇതര സംസ്ഥാനങ്ങളില് നിന്നെത്തിയ അഞ്ചുപേര്, സമ്പര്ക്കം 39 പേര്, ഉറവിടം വ്യക്തമല്ലാത്ത രണ്ടുപേര് എന്നിങ്ങനെയാണ് രോഗം സ്ഥിരീകരിച്ചത്. 20 പേര് രോഗമുക്തി നേടി.
ഇതോടെ ജില്ലയില് കോവിഡ് സ്ഥിരീകരിച്ചവരുടെ ആകെ എണ്ണം 1082 ആയി. ഇതില് 729 പേര് രോഗമുക്തരായി. മൂന്നു പേര് മരണപ്പെട്ടു. 350 പേരാണ് ചികിത്സയിലുള്ളത്. 333 പേര് ജില്ലയിലും 17 പേര് ഇതര ജില്ലകളിലും ചികിത്സയില് കഴിയുന്നു.
