തോല്‍പ്പെട്ടി: നിയമസഭാ തിരഞ്ഞെടുപ്പിന്റ ഭാഗമായി മാനന്തവാടി നിയോജക മണ്ഡലത്തിലെ എം.സി.സി സ്‌ക്വാഡ് 1 തോല്‍പ്പെട്ടിയില്‍ നടത്തിയ പരിശോധനയില്‍ അനധികൃതമായി കടത്തുകയായിരുന്ന 5.5 ലിറ്റര്‍ കര്‍ണ്ണാടക നിര്‍മ്മിത വിദേശ മദ്യം പിടികൂടി. മദ്യം കടത്തിയ തോല്‍പ്പെട്ടി വെള്ളറ കോളനിയിലെ ഷാജി സക്കറിയെ അറസ്റ്റ് ചെയ്തു. മദ്യവും പ്രതിയെയും തുടര്‍ നടപടികള്‍ക്കായി എക്െസെസ് വകുപ്പിന് കൈമാറി. ചാര്‍ജ് ഓഫീസര്‍ പ്രബിന്‍ സി.പവിത്രന്‍, അസിസ്റ്റന്റുമാരായ ദീപക്.പി, കൃഷ്ണദാസ് ബി.എം, സീനിയര്‍ സിവില്‍ പോലീസ് ഓഫീസര്‍ സുബീഷ് വി എസ്, ഡ്രൈവര്‍ ഷിജു കെ.എസ്, ക്യാമറാമാന്‍ അമല്‍ജോസ് എന്നിവരടങ്ങുന്ന സംഘമാണ് മദ്യം പിടികൂടിയത്.
കുടിക്കാഴ്ച്ച മാറ്റി.
മേപ്പാടി ഗ്രാമപഞ്ചായത്ത് അസിസ്റ്റന്റ് എൻജിനീയറുടെ ഓഫീസിൽ ഓവർസീയർ തസ്തികയിലേക്ക് ജൂലൈ 14 ന് രാവിലെ 11 ന് നടത്താനിരുന്ന കുടിക്കാഴ്ച്ച മാറ്റിയതായി ഗ്രാമപഞ്ചായത്ത് സെക്രട്ടറി അറിയിച്ചു. പുതുക്കിയ തിയ്യതി പിന്നീട് അറിയിക്കും.
