ഐ ലീഗ് മികച്ച കളിക്കാരൻ എമിൽ ബെന്നിയെ മാതൃവിദ്യാലയം അനുമോദിച്ചു.

കൽപ്പറ്റ: കൊൽക്കത്തയിൽ നടന്ന ഐ ലീഗ് ഫുട്ബാൾ കിരീടം സ്വന്തമാക്കിയ ഗോകുലം കേരള ടീമിലെ മികച്ച കളിക്കാരൻ എമിൽ ബെന്നിയെ മാതൃ വിദ്യാലയമായ കൽപ്പറ്റ എസ്.കെ.എം.ജെ ഹയർ സെക്കൻഡറി സ്കൂൾ അനുമോദിച്ചു. ഒന്നാം ക്ലാസ്സ് മുതൽ പത്താം ക്ലാസ്സ് വരെ എസ്.കെ.എം.ജെ_യിലാണ് പഠിച്ചത്.സെപ്റ്റ് പരിശീലന പരിപാടിയിലൂടെ എസ്.കെ.എം.ണ്ടെ മൈതാനത്ത് പന്ത് തട്ടിയായിരുന്നു തുടക്കം. പിന്നീട് വിദേശ രാജ്യങ്ങളിലടക്കമുള്ള ടൂർണമെന്റുകളിൽ കളിച്ചു. സെപ്റ്റ് പരിശീലകരായ ബൈജു, അയൂബ്, രാജേഷ് എന്നിവരുടെ ശിക്ഷണത്തിൽ മികച്ച ഫുട്ബോളറായി വളരുകയായിരുന്നു, എമിൽ ബെന്നി. ഐ ലീഗ്‌ ഫൈനലിൽ മിന്നുന്ന ഗോളോടെ കളിയിലെ താരമായി തിരഞ്ഞെടുക്കപ്പെട്ട എമിൽ ബെന്നിയെ നിരവധി അവസരങ്ങൾ കാത്തു നിൽക്കുകയാണ്.
തൃക്കൈപ്പറ്റ സ്വദേശിയാണ്.
അനുമോദന സമ്മേളനം സ്കൂൾ പ്രിൻസിപ്പൽ എ സുധാറാണി ഉദ്ഘാടനം ചെയ്തു. പി.ടി.എ. പ്രസിഡൻറ് പി.സി നൗഷാദ് അധ്യക്ഷത വഹിച്ചു. വൈസ് പ്രിൻസിപ്പൽ എം.കെ അനിൽകുമാർ പൊന്നാടയണിയിച്ചു. പ്രിൻസിപ്പൽ എ.സുധാറാണി ഉപഹാരം സമ്മാനിച്ചു. സീനിയർ അസിസ്റ്റൻ്റ് എം.പി.കൃഷ്ണകുമാർ, കായികാധ്യാപകരായ ഡൈനി കെ.വർഗീസ്, അരുൺ ടി. ജോസ്, അധ്യാപകരായ എം.സി രമാ മണി പി.അനിത, ടി.എം അനൂപ്, എം.വിവേകാനന്ദൻ ,കെ ഷാജി,ബെന്നി എന്നിവർ സംസാരിച്ചു. എമിൽ ബെന്നി മറുപടി പ്രഭാഷണം നിർവഹിച്ചു.