കൊറോണ അതിവേഗം വ്യാപിക്കുന്ന ഘട്ടത്തിലാണ് ലോക്ക്ഡൗൺ നാം ആദ്യമായി സാമൂഹ്യമാധ്യമങ്ങളിലൂടെ പറഞ്ഞു കേട്ടത്. കോവിഡ് മഹാമാരി ലോകത്ത് അതിശീഘ്രം വ്യാപിച്ചപ്പോൾ ലോക്ക്ഡൗൺ എന്ന ആശയം ലോകത്ത് ആദ്യമായി സ്പെയിനിലും അവിടെ വിജയകരമായപ്പോൾ പിന്നീട് ലോകത്തിന്റെ സമസ്തമേഖലകളിലും പ്രഖ്യാപിക്കപ്പെട്ടു. കോവിഡ് വ്യാപനത്തെ തടയുന്നതിനുവേണ്ടി നടപ്പിലാക്കുന്ന ലോക്ക്ഡൗണിന്റെ വേറൊരു വേർഷനാണ് ട്രിപ്പിൾ ലോക്ക്ഡൗൺ.
കോവിഡ് വ്യാപനം അതിരൂക്ഷമായ കേരളത്തിലെ ജില്ലകളിൽ ട്രിപ്പിൾ ലോക്ക്ഡൗൺ നടപ്പിലാക്കിയിട്ടുണ്ട്.
എന്താണ് ട്രിപ്പിള് ലോക്ക്ഡൗണ്.?
തീവ്ര രോഗബാധിത മേഖലകളില് ഏര്പ്പെടുത്തുന്ന നിയന്ത്രണങ്ങള് ആണ് ട്രിപ്പിള് ലോക്ക്ഡൗണ്. രോഗങ്ങളുടെ വ്യാപനം നിയന്ത്രിക്കുന്നതിനുള്ള തന്ത്രമാണെന്നും പറയാം. മൂന്ന് ഘട്ടങ്ങൾ ആയാണ് ട്രിപ്പിള് ലോക്ക്ഡൗണ് നടപ്പാക്കുന്നത്
തീവ്ര രോഗബാധിത മേഖലയില് ആരും പ്രവേശിച്ചിട്ടില്ലെന്ന് ഉറപ്പുവരുകയെന്നതാണ് ആദ്യത്തെ ഘട്ടം
രോഗബാധിതരുടെ സമ്പര്ക്കം കൂടുന്ന സ്ഥലങ്ങള് കണ്ടെത്തി ആ സ്ഥലങ്ങളില് ലോക്ക് ഡൗണ് ഏര്പ്പെടുത്തും
രോഗം ബാധിച്ചവര് വീടുകളില് തന്നെ കഴിയുന്നുണ്ടെന്ന് ഉറപ്പുവരുത്തും.കമ്മ്യൂണിറ്റി വ്യാപനം തടയാന് വേണ്ടിയാണ് ഇത്തരത്തിലൊരു നടപടി സ്വീകരിക്കുന്നത്.
ട്രിപ്പിള് ലോക്ക്ഡൗണ്, ലോക്ക് ഡൗൺ തമ്മിലുള്ള വ്യത്യാസം..?
കൊറോണ വൈറസിന്റെ വ്യാപനം തടയാന് വേണ്ടി ജനങ്ങള് ഒരു പ്രദേശത്ത് നിന്ന് പുറത്ത് പോവാതിരിക്കാന് ഏര്പ്പെടുത്തുന്ന അടിയന്തിര പെരുമാറ്റച്ചട്ടത്തെയാണ് ലോക്ക് ഡൗൺ എന്ന് പറയുന്നത്. ആവശ്യസര്വ്വീസുകള് ലോക്ക്ഡൗണില് പ്രവര്ത്തിക്കും. പലചരക്ക് പച്ചക്കറി കടകള്, ബാങ്കുകള് എന്നിവ ഇതില് ഉള്പ്പെടും. ഓഫീസ്, ഭക്ഷ്യസാധനങ്ങളുടെ ഗോഡൗണുകള് എന്നിവയെല്ലാം ലോക്ക്ഡൗണ് കാലത്ത് തുറന്ന് പ്രവര്ത്തിക്കാം.
എന്നാല് ട്രിപ്പിള് ലോക്ക്ഡൗണ് ഏര്പ്പെടുത്തിയ പ്രദേശങ്ങള് സീല് ചെയ്ത് പ്രവേശനം ഒരു വഴിയിലൂടെ മാത്രമാക്കും. ആ വഴിയില് ശക്തമായ പരിശോധകള് ഏര്പ്പെടുത്തും. പോലീസ് ഉദ്യോഗസ്ഥരുടെ നേതൃത്വത്തില് ആയിരിക്കും പരിശോധനകള് നടത്തുന്നത്. പല വഴിയിലൂടെ ഒരു പ്രദേശത്ത് എത്താന് സാധിക്കുന്ന വഴികള് എല്ലാം അടച്ചിടും.ചുരുക്കി പറഞ്ഞാല് കടുത്ത നിയന്ത്രണം.
ട്രിപ്പിൾ ലോക്ക് ഡൗണിൽ നിന്ന് ഒഴിവാക്കിയ സേവനങ്ങൾ ഏതാണ്..?
വിമാനത്താവളങ്ങളുടെ പ്രവര്ത്തനങ്ങളെ ബാധിക്കില്ല. ട്രെയിൻ സര്വീസുകള് നിര്ത്തിവെക്കാന് സാധിക്കില്ല. വിമാനത്താവളത്തിലേക്കും റെയിൽവേ സ്റ്റേഷനിലേക്കും ടാക്സികൾ ക്രമീകരിക്കാന് അനുവദിക്കും. എടിഎമ്മും അവശ്യ ബാങ്കിംഗ് പ്രവർത്തനങ്ങളും സാധിക്കും.ഡാറ്റ സെന്റർ ഓപ്പറേറ്റർമാർ പ്രവര്ത്തിക്കും.മൊബൈൽ സേവന കടകള് തുറക്കും.ആശുപത്രികളും മെഡിക്കൽ ഷോപ്പുകളും പ്രവര്ത്തിക്കും.ചരക്ക് വാഹനങ്ങള്ക്ക് അനുമതി നല്കും.
