ന്യൂഡൽഹി: പ്രതീക്ഷകൾ ഒരു പടി കൂടി മുന്നോട്ട്.ഭാരത് ബയോടെക് വികസിപ്പിക്കുന്ന കോവിഡ് വാക്സീനായ കോവാക്സീന് രണ്ടാംഘട്ട മനുഷ്യപരീക്ഷണം നടത്താന് അനുമതി. ഇൗമാസം ഏഴുമുതല് പരീക്ഷണം നടത്താനാണ് കേന്ദ്രസര്ക്കാര് അനുമതി നല്കിയിരിക്കുന്നത്. 380പേരിലാണ് രണ്ടാംഘട്ടത്തില് പരീക്ഷണം നടത്തുന്നത്. ഒന്നാംഘട്ട പരീക്ഷണത്തിന്റെ ഭാഗമായി കുത്തിവയ്പെടുത്തവരില് ദോഷകരമായ പാര്ശ്വഫലങ്ങളൊന്നും ഉണ്ടായിട്ടില്ല. ഒന്നാം ഘട്ടപരീക്ഷണം ഇപ്പോഴും പുരോഗമിച്ചുകൊണ്ടിരിക്കുകയാണ്. വൈറസിനെ ചെറുക്കാന് രൂപപ്പെട്ട ആന്റിബോഡികളുടെ അളവും സ്വഭാവവും അറിയാന് പരീക്ഷണം പൂര്ത്തിയായവരില്നിന്ന് രക്തസാംപിള് ശേഖരിച്ചുകഴിഞ്ഞു. ഇതിന്റെ പരിശോധനാ ഫലം പുറത്തുവന്നിട്ടില്ല. ഐസിഎംആറിന്റേയും നാഷനൽ ഇൻസ്റ്റിറ്റ്യൂട്ട് ഓഫ് വൈറോളജിയുടേയും സഹകരണത്തോടെ പൂര്ണമായും തദ്ദേശീയമായി വികസിപ്പിക്കുന്ന വാക്സീനാണ് കോവാക്സീന്.
വിജയക്കുതിപ്പ് തുടര്ന്ന് ബാഴ്സലോണ; കോപ്പ ഡേല് റേയില് ക്വാർട്ടർ ഫൈനലില്
കോപ്പ ഡെല് റേയില് തകര്പ്പന് വിജയത്തോടെ ബാഴ്സലോണ ക്വാർട്ടർ ഫൈനലില്. രണ്ടാം ഡിവിഷന് ക്ലബ്ബായ റേസിങ് സാന്റാന്ഡറിനെ മറുപടിയില്ലാത്ത രണ്ട് ഗോളുകള്ക്കാണ് ബാഴ്സലോണ പരാജയപ്പെടുത്തിയത്. ബാഴ്സയ്ക്ക് വേണ്ടി ഫെറാന് ടോറസും ലാമിന് യമാലും വലകുലുക്കി.
