പുതുശ്ശേരിയില്‍ കടുവ ഒരാളെ ആക്രമിച്ചു; വനപാലകര്‍ തിരച്ചില്‍ നടത്തുന്നു

മാനന്തവാടി ഫോറസ്റ്റ് റെയ്ഞ്ചിലെ മക്കിയാട് ഫോറസ്റ്റ് സ്റ്റേഷന്‍ പരിധിയില്‍പ്പെട്ട പുതുശ്ശേരി വെള്ളാരംകുന്ന് ഭാഗത്താണ് കടുവയിറങ്ങിയത്. പ്രദേശവാസിയായ ഒരാളെ കടുവ ആക്രമിച്ചു.സാലു പള്ളി പുറത്തിനാണ് പരിക്ക്. ഇദ്ദേഹത്തിന്റെ കാലിനാണ് മുറിവ്.രാവിലെ പത്ത് മണിയോടെ പ്രദേശവാസിയായ നടുപ്പറമ്പില്‍ ലിസിയാണ് വാഴത്തോട്ടത്തിന് സമീപം ആദ്യം കടുവയെ കണ്ടത്. തുടര്‍ന്ന് ആലക്കല്‍ ജോമോന്റെ വയലിലും കണ്ടതായി നാട്ടുകാര്‍ പറഞ്ഞു. വെള്ളമുണ്ടയില്‍ നിന്നുള്ള വനപാലക സംഘമടക്കമുള്ളവര്‍ സ്ഥലത്ത് തിരച്ചില്‍ നടത്തുന്നു. പ്രദേശവാസികള്‍ക്ക് ജാഗ്രത നിര്‍ദേശം.