മാനന്തവാടി : ജനവാസ മേഖലയായ പുതുശ്ശേരിയിൽ കടുവയുടെ ആക്രമണത്തിൽ പ്രദേശവാസിയായ തോമസ് (സാലു ) കൊല്ലപ്പെട്ട സംഭവത്തോടുള്ള വനം വകുപ്പിൻ്റെ തികഞ്ഞ അനാസ്ഥയിൽ പ്രതിഷേധിച്ച് കെ.സി.വൈ.എം രൂപതയുടെ നേതൃത്വത്തിൽ മാനന്തവാടി ടൗണിൽ പന്തം കൊളുത്തി പ്രകടനവും പ്രതിഷേധ സമ്മേളനവും നടത്തി. വയനാട്ടിലെ തിരഞ്ഞെടുക്കപ്പെട്ട എല്ലാ ജനപ്രതിനിധികളും, പ്രസ്ഥാനങ്ങളും ജനപക്ഷത്ത് നിന്ന് ഇക്കാര്യങ്ങളിൽ ഇടപെട്ട് ജനങ്ങളുടെ ആശങ്ക അകറ്റണം എന്ന് രൂപതാ സമിതി ആവശ്യപ്പെട്ടു. മുൻ രൂപത പ്രസിഡൻ്റ് സജിൻ ചാലിൽ മുഖ്യ പ്രഭാഷണം നടത്തി. കല്ലോടി മേഖല പ്രസിഡൻ്റ് ലിബിൻ മേപ്പുറത്ത് സംസാരിച്ചു. ജനറൽ സെക്രട്ടറി അഭിനന്ദ് കൊച്ചുമലയിൽ, കോർഡിനേറ്റർ അഖിൽ ജോസ് വാഴച്ചാലിൽ, ട്രഷറർ ബിബിൻ പിലാപള്ളി, ഡയറക്ടർ ഫാ. അഗസ്റ്റിൻ ചിറക്കത്തോട്ടത്തിൽ, രൂപതാ സിൻഡിക്കേറ്റ് അംഗം അഷ്ജാൻ, മാനന്തവാടി മേഖലാ പ്രസിഡൻറ് ലിബിൻ, ദ്വാരക മേഖല പ്രസിഡൻറ് അജയ്, പയ്യമ്പള്ളി മേഖല വൈസ് പ്രസിഡൻറ് നിതിൻ തുടങ്ങിയവർ നേതൃത്വം നൽകി.
വിവിധ മേഖലകളിലെ യുവജന നേതാക്കളും, വൈദികരുമടക്കം അൻപതിലേറെ പേർ പ്രതിഷേധ പ്രകടനത്തിലും സമ്മേളനത്തിലും പങ്കെടുത്തു.
വ്യാജ ട്രേഡിങ്: ലാഭം നൽകാമെന്ന് വാഗ്ദാനം നൽകി ലക്ഷങ്ങൾ തട്ടിയ കേസിൽ നിയമ വിദ്യാർത്ഥി പിടിയിൽ
കൽപ്പറ്റ: ട്രേഡിങ് നടത്തി ലാഭം നൽകാമെന്ന് വിശ്വസിപ്പിച്ച് 33 ലക്ഷം തട്ടിയെടുത്ത കേസിൽ ഒരാൾ കൂടി പിടിയിൽ. ബാംഗ്ലൂരിലെ സ്വകാര്യ ലോ കോളേജിൽ നിയമ വിദ്യാർത്ഥിയായ മലപ്പുറം, താനൂർ സ്വദേശിയായ താഹിർ(32 )നെയാണ് വയനാട്
