മൃതദേഹം ദഹിപ്പിക്കാമെന്ന സഭയുടെ ചരിത്രതീരുമാനത്തിന്റെ ഭാഗമായി കോഴിക്കോട് മാവൂര് റോഡില് വയനാട് സ്വദേശിയുടെ സംസ്കാരം.
കോവിഡ് മുക്തമായി ചികിത്സയില് കഴിയവേ മരിച്ച വയനാട് പേര്യ തുണ്ടത്തില് വീട്ടില് ടി.എക്സ്. റെജിയുടെ (45) മൃതദേഹമാണ് വൈദ്യുതി ശ്മശാനത്തില് ദഹിപ്പിച്ചത്.കോവിഡ് ബാധിതരായ രൂപതാംഗങ്ങളുടെ മൃതദേഹം ആവശ്യമെങ്കില് ദഹിപ്പിച്ചശേഷം ചിതാഭസ്മം മതാചാര ചടങ്ങുകളോടെ അടക്കം ചെയ്യാമെന്ന് മാനന്തവാടി രൂപതയുടെ കീഴിലുള്ള സെന്റ് മേരീസ് ദേവാലയവും തീരുമാനിച്ചിരുന്നു.കോര്പറേഷന് ജൂനിയര് ഹെല്ത്ത് ഇന്സ്പെക്ടര് പി.എസ്. ഡെയ്സണ് ക്രൈസ്തവാചാര പ്രകാരമുള്ള പ്രാര്ഥന ചൊല്ലിയ ശേഷമാണ് ദഹിപ്പിച്ചത്. കോര്പറേഷന് ആരോഗ്യവിഭാഗം ഉദ്യോഗസ്ഥര്ക്കൊപ്പം റെജിയുടെ ബന്ധുക്കളുമുണ്ടായിരുന്നു.ചിതാഭസ്മം ഞായറാഴ്ചതന്നെ പേര്യ സെന്റ് മേരീസ് ദേവാലയത്തിലെ സെമിത്തേരിയില് മതാചാര ചടങ്ങുകളോടെ സംസ്കരിച്ചതായി അധികൃതര് പറഞ്ഞു.ഹെല്ത്ത് ഇന്സ്പെക്ടര് സി.കെ. വത്സന്, ജെ.എച്ച്.ഐ കെ. ബോബിഷ്, ബിജു ജയറാം, കെ. സുനീഷ്, സി.പി. രാജേഷ്, സി. രാധാകൃഷ്ണന്, പി. ശിവാനന്ദന് എന്നിവര് നേതൃത്വം നല്കി.ആദ്യം കോവിഡ് പോസിറ്റിവായ റെജിയെ 21ന് മാനന്തവാടി ആശുപത്രിയിലേക്കും 25ന് കോഴിക്കോട് മെഡിക്കല് കോളജിലേക്കും മാറ്റി. 30ന് കോവിഡ് പരിശോധനയില് നെഗറ്റിവായിരുന്നു. ആന്തരിക രക്തസ്രാവത്തെ തുടര്ന്നാണ് മരണം.
വൈകുന്നേരം 6നും രാത്രി 11നും ഇടയിൽ വൈദ്യുതി ഉപയോഗം പരമാവധി കുറച്ച് സഹകരിക്കണം; അഭ്യർത്ഥിച്ച് KSEB
തിരുവനന്തപുരം : വേനല്ച്ചൂട് കടുത്തതോടെ പീക് മണിക്കൂറുകളിലെ വൈദ്യുതി ഉപയോഗം കുറച്ച് സഹകരിക്കണമെന്ന് അഭ്യര്ത്ഥിച്ച് കെഎസ്ഇബി. പീക് സമയ വൈദ്യുതി ഉപയോഗം ക്രമാതീതമായി വര്ദ്ധിച്ച സാഹചര്യത്തിലാണിത്. ഏപ്രില് 18-ന് സര്വ്വകാല റെക്കോര്ഡായ 117.16 ദശലക്ഷം
