ബാലതാരമായി എത്തി പ്രേക്ഷക മനസ്സിൽ ഇടംപിടിച്ച അനിഖ സുരേന്ദ്രന് നായികയ പുതിയ ചിത്രം ‘ഓ മൈ ഡാര്ലിംഗ്’ന്റെ ട്രെയ്ലര് പുറത്തിറങ്ങി.
ചിത്രത്തിന്റെ ടീസര് നേരത്തെ സോഷ്യല് മീഡിയയില് വൈറലായിരുന്നു. വ്യത്യസ്തമായ ന്യൂജനറേഷന് പ്രണയത്തിന്റെ കഥ പറയുന്ന ചിത്രത്തിന്റെ ട്രെയിലര് പ്രേക്ഷകര് ഇതിനോടകം ഏറ്റെടുത്ത് കഴിഞ്ഞു.
ആല്ഫ്രഡ് ഡി സാമുവലാണ് ‘ഓ മൈ ഡാര്ലിംഗ് ‘സംവിധാനം ചെയ്യുന്നത്. ആഷ് ട്രീ വെഞ്ച്വേഴ്സിന്റെ ബാനറില് മനോജ് ശ്രീകണ്ഠയാണ് ചിത്രം നിര്മിക്കുന്നത്. ചിത്രത്തിന്റെ തിരക്കഥയൊരുക്കിയിരിക്കുന്നത് ജിനീഷ് കെ ജോയ് ആണ്.
ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത് മെൽവിൻ ജി ബാബു, മുകേഷ്, ലെന, ജോണി ആന്റണി, മഞ്ജു പിള്ള, വിജയരാഘവന്, ശ്രീകാന്ത് മുരളി, നന്ദു, ഡെയ്ന് ഡേവിസ്, ഫുക്രു തുടങ്ങിയവരാണ്. ചിത്രത്തിന്റെ ഛായാഗ്രഹണം അന്സാര് ഷായാണ്.
വിനായക് ശശികുമാറിന്റെ വരികള്ക്ക് സംഗീതം പകരുന്നത് ഷാന് റഹ്മാനാണ്. ലിജോ പോള് എഡിറ്റിംഗും എം വിജീഷ് പിള്ളയാണ് ക്രിയേറ്റീവ് ഡയറക്ടര്.
