അരുവിക്കരയിൽ ഭാര്യാമാതാവിനെ മരുമകൻ വെട്ടിക്കൊലപ്പെടുത്തി. അരുവിക്കര അഴിക്കോട് വളപ്പെട്ടി സ്വദേശി താഹിറ (67) ആണ് കൊല്ലപ്പെട്ടത്.
കുടുംബ പ്രശ്നത്തെ തുടർന്നാണ് സംഭവം. ഭാര്യാമാതാവിനെ വെട്ടിക്കൊലപ്പെടുത്തിയതിന് ശേഷം ഭാര്യയെയും ഇയാൾ വെട്ടി പരിക്കേപിച്ചു പിന്നാലെ സ്വയംതീ കൊളുത്തി ആത്മഹത്യക്ക് ശ്രമിക്കുകയായിരുന്നു. സംഭവത്തിൽ പ്രതിയായ മെഡിക്കൽ കോളേജ് ജീവനക്കാരൻ അലി അക്ബറിന്റെയും ഭാര്യ മുംതാസിനെയും നില ഗുരുതരമാണ്.
ഇവരും മെഡിക്കൽ കോളജ് ആശുപത്രിയിൽ ഐസിയുവിൽ തുടരുകയാണ്. ഇന്ന് രാവിലെ 4.30 നാണ് സംഭവമുണ്ടായത്. അലി അക്ബര് മറ്റൊരു മുറിയില് കിടന്നിരുന്ന ഭാര്യയുടെ അമ്മ താഹിറയെയാണ് ആദ്യം വെട്ടിപ്പരിക്കേല്പ്പിക്കുന്നത്. വെട്ടേറ്റ താഹിറ സംഭവസ്ഥലത്തുവെച്ച് തന്നെ മരിച്ചു.
തുടര്ന്ന് ഭാര്യ മുംതാസിനെയും അലി അക്ബർ വെട്ടിപ്പരിക്കേല്പ്പിച്ചു. ഇവര് സ്കൂള് അധ്യാപികയാണ്.10 വർഷമായി കുടുംബ കോടതിയിൽ കേസ് നടക്കുകയാണ്. സംഭവത്തിൽ അരുവിക്കര പോലീസ് കേസെടുത്തു.
ഭാര്യയെ വെട്ടിപ്പരിക്കേൽപ്പിച്ച ശേഷം അലി അക്ബർ അടുക്കളയിൽ ഇരുന്ന മണ്ണെണ്ണയൊഴിച്ച് സ്വയം തീ കൊളുത്തി. തുടർന്ന്, ഇവരുടെ മകളുടെ നിലവിളി കേട്ട് ഓടിക്കൂടിയ നാട്ടുകാരാണ് തീ അണച്ച് ഇരുവരെയും ആശുപത്രിയിൽ പ്രവേശിപ്പിച്ചത്. അലി അക്ബര് സര്വീസില് നിന്നും നാളെ വിരമിക്കാനിരിക്കെയാണ് സംഭവം.സംഭവത്തിൽ അരുവിക്കര പോലീസ് കേസെടുത്തു.
