ഡൽഹി ക്യാപിറ്റൽസിന്റെ റെഗുലർ ക്യാപ്റ്റൻ ഋഷഭ് പന്ത്, ഇന്ന് ഗുജറാത്ത് ടൈറ്റൻസിനെതിരായ ടീമിന്റെ ആദ്യ ഹോം മത്സരം അരുൺ ജെയ്റ്റ്ലി സ്റ്റേഡിയത്തിൽ നിന്ന് കാണാൻ വന്നേക്കും എന്ന റിപോർട്ടുകൾ പുറത്ത് വരുന്നുണ്ട്. ടീമിന് ബിസിസിഐയുടെ ആന്റി കറപ്ഷൻ ആൻഡ് സെക്യൂരിറ്റി യൂണിറ്റിൽ (എസിഎസ്യു) നിന്ന് ആവശ്യമായ അനുമതി നേടാൻ കഴിയുമെങ്കിൽ അദ്ദേഹം ഡഗ്-ഔട്ടിൽ ഇരിക്കുകയും ചെയ്യാം.
“റിഷഭ് എല്ലായ്പ്പോഴും ഡിസിയുടെ അവിഭാജ്യ ഘടകമാണ്. ചൊവ്വാഴ്ച ജിടിക്കെതിരായ സീസണിലെ ആദ്യ ഹോം മത്സരത്തിൽ അദ്ദേഹം വരൻ സാധ്യതയുണ്ട്. അവൻ തീർച്ചയായും ടീം ഉടമയുടെ ബോക്സിൽ ഉണ്ടാകും, എന്നാൽ ACSU അനുവദിച്ചാൽ, അയാൾ ടീമിനൊപ്പം കുറച്ചുനേരം ഇരിക്കും, ”ഡൽഹി ടീമുമായി ബന്ധപ്പെട്ട വൃത്തങ്ങൾ പിടിഐയോട് പറഞ്ഞു. കഴിഞ്ഞ ഡിസംബറിൽ പന്തിന് ഒരു കാർ അപകടമുണ്ടായി, ഇത് അദ്ദേഹത്തെ മത്സര ക്രിക്കറ്റിൽ നിന്ന് ഗണ്യമായ കാലയളവിലേക്ക് ഒഴിവാക്കി. വലത് കാൽമുട്ടിന് ശസ്ത്രക്രിയ നടത്തിയ അദ്ദേഹം ഇപ്പോൾ തിരിച്ചുവരവിന് ഒരുങ്ങുകയാണ്.”
ലഖ്നൗ സൂപ്പർ ജയന്റ്സിനെതിരായ ആദ്യ മത്സരത്തിൽ, ഡിസി ടീം അവരുടെ നായകന്റെ ജേഴ്സി നമ്പർ 17, “എപ്പോഴും ടീമിനൊപ്പം ഉണ്ട് ” എന്നതിന്റെ സൂചനയായി ഡഗ്-ഔട്ടിന്റെ മുകളിൽ തൂക്കിയിട്ടിരുന്നു. എന്നിരുന്നാലും, ബിസിസിഐ അതിൽ ഒട്ടും ഹാപ്പി അല്ലെന്നാണ് റിപോർട്ടുകൾ പറയുന്നത്. അത്രത്തിൽ ഒരു പ്രവർത്തി നടത്തേണ്ട ആവശ്യമില്ല എന്നും ഇതൊക്കെ ഓവർ ആണെന്നുമാണ് അവർ അഭിപ്രായപെടുന്നത്.
“അത് അൽപ്പം ഓവർ ആണെന്ന് തോന്നി. ആർക്ക് എങ്കിലും വലിയ ദുരന്തമോ അല്ലെങ്കിൽ വിരമിക്കുകയോ ചെയ്യുമ്പോൾ ഇങ്ങനെ ചെയ്യുന്നതിൽ തെറ്റില്ല. ഈ സാഹചര്യത്തിൽ, അത് രണ്ടും ആയിരുന്നില്ല. പ്രതീക്ഷിച്ചതിലും വേഗത്തിൽ സുഖം പ്രാപിക്കാനുള്ള പാതയിലാണ് റിഷഭ്. അതിനാൽ ഇത് മാന്യമായ ഉദ്ദേശ്യത്തോടെ ചെയ്തതാണെങ്കിലും, ഭാവിയിൽ അത്തരം ആംഗ്യങ്ങൾ ഒഴിവാക്കണമെന്ന് ബിസിസിഐ ഫ്രാഞ്ചൈസിയോട് പറയുന്നു , ”ഐപിഎൽ വൃത്തങ്ങൾ പറഞ്ഞു.
