ദീര്‍ഘദൂര യാത്രയ്ക്ക് അധികപേരും തിരഞ്ഞെടുക്കുന്നത് ട്രെയിനാണ്. സുഖകരമായ യാത്ര അത് തന്നെയാണ് കാരണം. എന്നാല്‍ ഒറ്റയ്ക്കാണെങ്കില്‍ ഉറങ്ങിപ്പോയാല്‍ സ്‌റ്റേഷനിലെത്തിയാല്‍ മറന്നുപോകുമെന്ന പേടി യാത്രയ്ക്ക് മങ്ങലേല്‍പ്പിക്കാറുണ്ട്. എന്നാല്‍ ഇനി ആ ടെന്‍ഷന്‍ വേണ്ട. പരിഹാരവുമായി ഇന്ത്യന്‍ റെയില്‍വേ എത്തിയിട്ടുണ്ട്.
യാത്രക്കാരന് ഇറങ്ങാനുള്ള സ്റ്റേഷന്‍ എത്തുന്നതിന് 20 മിനിറ്റ് മുന്‍പേ റെയില്‍വേ നിങ്ങളെ വിളിച്ചുണര്‍ത്തും. ‘ഡെസ്റ്റിനേഷന്‍ അലേര്‍ട്ട് വേക്ക് അപ് അലാറം’ എന്നാണ് പദ്ധതിയുടെ പേര്. ഈ സൗകര്യം പരിചയമില്ലാത്ത സ്ഥലത്തേക്ക് യാത്ര ചെയ്യുന്നവര്‍ക്കും ഉപകാരപ്രദമാണ്.
യാത്രക്കാര്‍ക്ക് 139 എന്ന അന്വേഷണ സംവിധാനത്തില്‍ അലേര്‍ട്ട് സൗകര്യം ആവശ്യപ്പെടാം. രാത്രി 11 മുതല്‍ രാവിലെ ഏഴുവരെയുള്ള ഈ സൗകര്യം ആര്‍ക്കും പ്രയോജനപ്പെടുത്താം. ഇതിനായി 100 രൂപ നല്‍കണം. പിന്നീട് നിങ്ങള്‍ സ്റ്റേഷനില്‍ എത്തുന്നതിന് 20 മിനിറ്റ് മുമ്പ് നിങ്ങളുടെ ഫോണിലേക്ക് ഒരു അലേര്‍ട്ട് അയയ്ക്കും.
ചെയ്യേണ്ടത് ഇത്രമാത്രം
IRTC ഹെല്‍പ്പ് ലൈന്‍ നമ്പറായ 139 ലേക്ക് വിളിക്കുക
ഭാഷ തിരഞ്ഞെടുത്ത ശേഷം വരുന്ന ഓപ്ഷനുകളില്‍ നിന്നും 7 സെലക്ട് ചെയ്യുക
തുടര്‍ന്ന് 2 നമ്പര്‍ (ഡെസ്റ്റിനേഷന്‍ അലേര്‍ട്ട്) സെലക്ട് ചെയ്യുക.
പിന്നീട് നിങ്ങളുടെ 10 അക്ക പിഎന്‍ആര്‍ നല്‍കുക.
അത് സ്ഥിരീകരിക്കാന്‍ 1 ഡയല്‍ ചെയ്യുക. ഇത് ചെയ്യുന്നതിലൂടെ, സ്റ്റേഷന്‍ എത്തുന്നതിന് 20 മിനിറ്റ് മുമ്പ് നിങ്ങള്‍ക്ക് വേക്കപ്പ് അലേര്‍ട്ട് ലഭിക്കും.
