കൽപറ്റ : സി. ഭാസ്കരൻ മെമ്മോറിയൽ എവർ റോളിംഗ് ട്രോഫിക്ക് വേണ്ടിയുള്ള ഏഴാമത് ജില്ലാ മൗണ്ടൻ സൈക്ലിംഗ് ചാമ്പ്യൻഷിപ്പ് പെരുന്തട്ട എൽസ്റ്റൺ എസ്റ്റേറ്റിൽ നടന്നു. വിവിധ സൈക്ലിംഗ് ക്ലബുകളിൽ നിന്നായി 70 ൽ അധികം സൈക്ലിംഗ് താരങ്ങൾ പങ്കെടുത്തു. സ്പോർട്സ് കൗൺസിൽ പ്രസിഡണ്ട്. എം. മധു ഉദ്ഘാടനം ചെയ്തു. സൈക്ലിംഗ് അസോസിയേഷൻ സീനിയർ വൈസ്. പ്രസിഡണ്ട് സലീം കടവൻ അദ്ധ്യക്ഷത വഹിച്ചു. അസോസിയേഷൻ സെക്രട്ടറി സുബൈർ ഇള കുളം സ്വാഗതം പറഞ്ഞു. ഗിരീഷ് പെരുന്തട്ട , സാജിദ് .എൻ.സി, മിഥുൻ വർഗീസ്, സോളമൻ എൽ.എ , അർജുൻ തോമസ് ,സുധീഷ് സി.പി എന്നിവർ സംസാരിച്ചു. 31 പോയിന്റുയായി ഡബ്യു.എച്ച്. എസ്. എസ് പിണങ്ങോട് ഓവറോൾ ചാമ്പ്യൻമാരായി. 24 പോയിന്റുമായി ഗ്രാമിക കുട്ടമംഗലം രണ്ടാം സ്ഥാനവും, 16 പോയിന്റുമായി അമിഗോ ബൈക്കേഴ്സ് മൂന്നാം സ്ഥാനവും കരസ്ഥമാക്കി.
സ്ഥാനാർത്ഥികൾ ചെലവ് കണക്ക് നൽകണം
തദ്ദേശ സ്വയംഭരണ സ്ഥാപനങ്ങളിലേക്ക് ഡിസംബർ 11ന് നടന്ന തെരഞ്ഞെടുപ്പിൽ ജില്ലാ പഞ്ചായത്തിലേക്ക് മൽസരിച്ച മുഴുവൻ സ്ഥാനാർത്ഥികളുടെയും തെരഞ്ഞെടുപ്പ് ചെലവ് ബന്ധപ്പെട്ട രേഖകൾ സഹിതം നിശ്ചിത ഫോറത്തിൽ ജനുവരി 10 നകം ജില്ലാ പഞ്ചായത്ത് ഓഫീസിൽ
