കുടുംബശ്രീ മിഷന് വയനാടിന്റെയും തിരുനെല്ലി സി.ഡി.എസിന്റെയും തിരുനെല്ലി ആദിവാസി സമഗ്ര വികസന പദ്ധതിയുടെയും സംയുക്താഭിമുഖ്യത്തില് അരമംഗലം പാടശേഖരത്തില് കമ്പളനാട്ടി സംഘടിപ്പിച്ചു. സബ് കളക്ടര് ആര്. ശ്രീലക്ഷ്മി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ജസ്റ്റിന് ബേബി അധ്യക്ഷത വഹിച്ചു.
വയനാടിന്റെ കാര്ഷിക പാരമ്പര്യവും പൈതൃകവും ഉണര്ത്തി നടത്തുന്ന കമ്പളനാട്ടിയില് തിരുനെല്ലി പഞ്ചായത്തിലെ വിവിധ ആദിവാസി ഊരുകളില് നിന്നും അയല്ക്കൂട്ടങ്ങളില് നിന്നുമായി ഇരുന്നൂറോളം പേര് പങ്കെടുത്തു. പരമ്പരാഗത നെല്വിത്തിനമായ തൊണ്ടിയിലാണ് 6 ഏക്കറോളം വരുന്ന പാടത്ത് നാട്ടിയൊരുക്കിയത്. ബ്ലോക്ക് പഞ്ചായത്ത് വൈസ് പ്രസിഡന്റ് എ.കെ ജയഭാരതി, പി. സൗമിനി, ജയന പ്രമോദ്, സായി കൃഷ്ണന് തുടങ്ങിയവര് സംസാരിച്ചു.
പുതുവര്ഷത്തില് കേന്ദ്രത്തിന്റെ ഇരുട്ടടി; വാണിജ്യ പാചക വാതക സിലിണ്ടര് വില കൂട്ടി, വർധിപ്പിച്ചത് 111 രൂപ
ന്യൂഡല്ഹി: രാജ്യത്ത് എല്പിജി വാണിജ്യ സിലിണ്ടറുകളുടെ വില വര്ധിപ്പിച്ചു. 19 കിലോ വാണിജ്യ എല്പിജി സിലിണ്ടറുകളുടെ വില 111 രൂപയാണ് വര്ധിപ്പിച്ചത്. ഇതോടെ ഡല്ഹിയില് വാണിജ്യ സിലിണ്ടറിന് 1,691 രൂപയായി. കൊച്ചിയില് 1,698 രൂപയും
