നാല്‍പതാമത് വയനാട് ജില്ലാ ജൂനിയര്‍, സീനിയര്‍ അത്‌ലറ്റിക്‌സ് ചാമ്പ്യന്‍ഷിപ്പ് 19,20 തീയതികളില്‍ കൽപ്പറ്റ എം.കെ. ജിനചന്ദ്രന്‍ സ്മാരക ജില്ലാ സ്റ്റേഡിയത്തില്‍ നടത്തുമെന്ന് സംഘാടകർ വാര്‍ത്താസമ്മേളനത്തില്‍ അറിയിച്ചു.
ജില്ലാ അത്‌ലറ്റിക്‌സ് അസോസിയേഷനില്‍ അംഗത്വമുള്ള സ്‌കൂള്‍, കോളജ് ക്ലബുകളില്‍നിന്നായി 14,16,18,20 വയസ് വിഭാഗങ്ങളിലെ ആണ്‍-പെണ്‍ കുട്ടികളും പുരുഷ-വനിതാ വിഭാഗങ്ങളിലുള്ളവരും ഉള്‍പ്പെടെ 650 ഓളം താരങ്ങള്‍ പങ്കെടുക്കും. 19ന് രാവിലെ എട്ടിന് മത്സരങ്ങള്‍ ആരംഭിക്കും. 11ന് ജില്ലാ പോലീസ് മേധാവി പദം സിംഗ് ഉദ്ഘാടനം ചെയ്യും. ജില്ലാ പഞ്ചായത്ത് വൈസ് പ്രസിഡന്റ് എസ്. ബിന്ദു, ജില്ലാ ഒളിംപിക് അസോസിയേഷന്‍ സെക്രട്ടറി സലിം കടവന്‍ തുടങ്ങിയവര്‍ പങ്കെടുക്കും. 20ന് വൈകുന്നേരം 4.30ന് സമാപന സമ്മേളനത്തില്‍ ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം. മധു സമ്മാനവിതരണം നിര്‍വഹിക്കും. സംസ്ഥാന അത്‌ലറ്റിക്‌സ് അസോസിയേഷന്‍ വൈസ് പ്രസിഡന്റ് വി.കെ. തങ്കച്ചന്‍ മുഖ്യാതിഥിയാകും. ജില്ലാ അത്‌ലറ്റിക്‌സ് അസോസിയേഷന്‍ സെക്രട്ടറി ലൂക്കാ ഫ്രാന്‍സിസ്, സീനിയര്‍ വൈസ് പ്രസിഡന്റ് സി.പി. സജി, ട്രഷറര്‍ സജീഷ് മാത്യു, സ്‌പോര്‍ട്‌സ് കൗണ്‍സില്‍ എക്‌സിക്യുട്ടീവ് കമ്മിറ്റിയംഗം എ.ഡി. ജോണ്‍ എന്നിവര്‍വാർത്താ സമ്മേളനത്തിൽ പങ്കെടുത്തു.
വ്യാജ ട്രേഡിങ്: ലാഭം നൽകാമെന്ന് വാഗ്ദാനം നൽകി ലക്ഷങ്ങൾ തട്ടിയ കേസിൽ നിയമ വിദ്യാർത്ഥി പിടിയിൽ
കൽപ്പറ്റ: ട്രേഡിങ് നടത്തി ലാഭം നൽകാമെന്ന് വിശ്വസിപ്പിച്ച് 33 ലക്ഷം തട്ടിയെടുത്ത കേസിൽ ഒരാൾ കൂടി പിടിയിൽ. ബാംഗ്ലൂരിലെ സ്വകാര്യ ലോ കോളേജിൽ നിയമ വിദ്യാർത്ഥിയായ മലപ്പുറം, താനൂർ സ്വദേശിയായ താഹിർ(32 )നെയാണ് വയനാട്
