എൻഎസ്എസ് ദിനാഘോഷത്തോടനുബന്ധിച്ച് ജയശ്രീ ഹയർ സെക്കൻഡറി സ്കൂളിലെ എൻഎസ്എസ് വൊളണ്ടിയർമാർ പ്രോഗ്രാം ഓഫീസർ സിത്താര ജോസഫിന്റെ നേതൃത്വത്തിൽ ഒത്തുകൂടി നടത്തിയ പ്രവർത്തനങ്ങൾ മാതൃകാപരമായി. പതാക ഉയർത്തൽ, എൻഎസ്എസ് ഗനാലാപനത്തോടെയുള്ള ജന്മദിനസമ്മേളനം, ദേശീയോദ്ഗ്രഥന പ്രതിജ്ഞ,സ്കൂൾ പരിസര ശുചീകരണം, പാതയോര പ്ലാസ്റ്റിക് നിർമാർജനം, പച്ചക്കറി തൈനടീൽ, സ്കൂൾ നഴ്സറി യോജനയുടെ പ്രവർത്തനങ്ങൾ, സഹപാഠിക്കൊരു കൈത്താങ്ങ് പദ്ധതിയുടെ ഭാഗമായുള്ള ഗൃഹ സന്ദർശനം എന്നിവ ഇതോടനുബന്ധിച്ച് നടന്നു.
അവധി ദിവസമായിട്ടുകൂടി എൻഎസ്എസ് അംഗങ്ങളായ എല്ലാ വിദ്യാർഥികളും സ്വമേധയാ ക്യാമ്പസിലെത്തി എൻഎസ്എസിന്റെ അമ്പത്തിനാലാം ജന്മദിനം ആഘോഷമാക്കി മാറ്റിയത് അവിസ്മരണീയമായ അനുഭവമായി. സ്കൂൾ മാനേജർ കെ ആർ ജയറാം പരിപാടികൾ ഉദ്ഘാടനം ചെയ്തു. പിടിഎ പ്രസിഡന്റും പൂതാടി ഗ്രാമപഞ്ചായത്ത് അംഗവുമായ രാജൻ ചീയമ്പം അധ്യക്ഷത വഹിച്ചു. പ്രിൻസിപ്പൽ കെ ആർ ജയരാജ്, പ്രോഗ്രാം ഓഫീസർ സിത്താര ജോസഫ്, എൻഎസ്എസ് ലീഡർമാരായ ഐസക്, അർച്ചന, ടിൽഗാ മരിയ, അഭിഷേക്, കിഷൻ, പ്രവീൺ എന്നിവർ സംസാരിച്ചു
പുതുവര്ഷത്തില് കേന്ദ്രത്തിന്റെ ഇരുട്ടടി; വാണിജ്യ പാചക വാതക സിലിണ്ടര് വില കൂട്ടി, വർധിപ്പിച്ചത് 111 രൂപ
ന്യൂഡല്ഹി: രാജ്യത്ത് എല്പിജി വാണിജ്യ സിലിണ്ടറുകളുടെ വില വര്ധിപ്പിച്ചു. 19 കിലോ വാണിജ്യ എല്പിജി സിലിണ്ടറുകളുടെ വില 111 രൂപയാണ് വര്ധിപ്പിച്ചത്. ഇതോടെ ഡല്ഹിയില് വാണിജ്യ സിലിണ്ടറിന് 1,691 രൂപയായി. കൊച്ചിയില് 1,698 രൂപയും
