തിരുവനന്തപുരം: ബാറുകളിൽ വാളുമായെത്തി ആക്രമണം നടത്തിയ കുപ്രസിദ്ധ ഗുണ്ട പിടിയിൽ. ആറ്റിങ്ങൽ നഗരത്തിലെ ബാറുകളിൽ ആക്രമണം നടത്തിയ പ്രതിയാണ് അറസ്റ്റിലായത്. ആറ്റിങ്ങൽ വെള്ളൂർകോണം തൊടിയിൽ പുത്തൻവീട്ടിൽ വിഷ്ണു (26) പിടിയിലായത്. ആറ്റിങ്ങൽ, കടയ്ക്കാവൂർ സ്റ്റേഷനുകളിൽ നിരവധി കേസുകളിലെ പ്രതിയാണ് വിഷ്ണു.
ആറ്റിങ്ങൽ മൂന്നുമുക്ക് ദേവ് റസിഡൻസി ബാറിലും സൂര്യ ബാറിലുമാണ് വിഷ്ണു ആക്രമണം നടത്തിയത്. വാളുമായി എത്തി ഭീകരാന്തരീക്ഷം സൃഷ്ടിക്കുകയും ഫർണിച്ചറും മറ്റും നശിപ്പിക്കുകയും ചെയ്തു. ജീവനക്കാരെയും കസ്റ്റമേഴ്സിനെയും ഇയാൾ ഭീഷണിപ്പെടുത്തി. ബാർ ജീവനക്കാരെ മർദിച്ച് ഇയാൾ പണം കവരുകയും ചെയ്തു.
