മുഖ്യമന്ത്രിയും മന്ത്രിമാരും ഉൾപ്പെടുന്ന വിപുലമായ നവകേരള സദസ്സ് വയനാടിന്റെ അതിഗുരുതരമായ യാത്രാ ക്ലേശത്തെ ഗൗനിക്കാതിരുന്നത് ഏറെ ദൗർഭാഗ്യകരം. കോണിക്കണക്കിന് രൂപ ചിലവിൽ ഏറെ പാരിസ്ഥിതിക പ്രശ്നമുള്ളതും , നിർമ്മാണത്തിന് പതിറ്റാണ്ടുകൾ വേണ്ടി വരുന്നതുമായ മേപ്പാടി ആനക്കാംപൊയിൽ തുരങ്ക പാതയെ കുറിച്ച് വാചാലനായ മുഖ്യമന്ത്രി
അനുദിനം വഷളാകുന്ന താമരശ്ശേരി ചുരം യാത്രയ്ക്ക് പരിഹാരമായി ആയി 30 വർഷം മുൻപ് നിർമ്മാണം തുടങ്ങി 73% പണിതീർന്ന പൂഴിത്തോട് പടിഞ്ഞാറത്തറ റോഡ് വിഷയത്തിൽ മൗനം പാലിച്ചത്
വയനാടിന്റെ പ്രായോഗിക യാത്രാ പ്രശ്നത്തോടുള്ള അവഗണനയാണ്.അധികാരികൾ ഉചിതമായി പ്രതികരിച്ചില്ലെങ്കിൽ വനം മാർച്ച്, രാപകൽ സമരം, മനുഷ്വ ചങ്ങല , ഏകദിന ഉപവാസം, കലക്ടേറ്റ് വളയൽ, ഹർത്താൽ ഉൾപ്പെടെ ശക്തമായ പ്രക്ഷോഭ സമരങ്ങൾക്ക് നേതൃത്വം നൽകാനാണ് ജനകീയ കർമ്മ സമിതി തീരുമാനം.
വസ്തുനിഷ്ടമായി നിർദ്ദിഷ്ട റോഡ് വിഷയം ബഹുമാന്യ മുഖ്യമന്ത്രിയെ ബോധിപ്പിക്കുന്നതിൽ ജില്ലയിലെ നേതൃത്വങ്ങൾ പരാജയപ്പെട്ടു.
യാതൊരുവിധ പാരിസ്ഥിതിക പ്രശ്നങ്ങളില്ലാത്ത 100 കോടിയിൽ താഴെ ഫണ്ട് ഉപയോഗിച്ച് കുറഞ്ഞ കാലയളവിൽ പൂർത്തീകരിച്ച് നാടിന് സമർപ്പിക്കാൻ പര്യാപ്തമായ പടിഞ്ഞാറത്തറ പൂഴിത്തോട് റോഡ് നിലവിലെ വയനാട് യാത്രാ പ്രശ്നങ്ങളുടെ ഏറ്റവും ലഘുവായ പരിഹാരമാണെന്നിരിക്കെ മേൽ വിഷയത്തിൽ സംസ്ഥാന ഭരകൂടം ഇടപെടാത്തതെന്ത് കൊണ്ട്. അക്ഷമരായ ഒരു ജനതയെ ഇനിയും പരീക്ഷിക്കരുത്.
മേൽ വിഷയം ജനങ്ങളുടെ ഇടയിലേക്ക് എത്തിക്കുന്നതിനായി കർമ്മ സമിതിക്ക് പിന്തുണ നൽകിയിരിക്കുന്ന 28 ഓളം സംഘടനകളുടെ പിന്തുണയോടെ വയനാട്ടിലെ 3 മണ്ഡലങ്ങളിലും പേരാമ്പ്ര മണ്ഡലത്തിലും വാഹന പ്രചരണ ജാഥ സംഘടിപ്പിക്കും. ചെയർ പേഴ്സൺ ശകുന്തള ഷണ്മുഖൻ ഉദ്ഘാടനം ചെയ്തു
കോർഡിനേറ്റർ കമൽ ജോസഫ് അദ്ധ്യക്ഷനായിരുന്നു.
എക്സിക്യൂട്ടീവ് അംഗങ്ങളായ
സാജൻ തുണ്ടിയിൽ സജി വാർഡ് മെമ്പർ , അഷ്റഫ് കുറ്റിയിൽ ബെന്നി മാണിക്കോത്ത്, ജോണി കുറ്റിയാം വയൽ ഹംസ കുളങ്ങരത്ത് നാസർ കെ , നാസർ വാരാമ്പറ്റ , ഹുസൈൻ യു.സി ഉലഹന്നാൻ, CK ആലിക്കുട്ടി, എന്നിവർ പ്രസംഗിച്ചു. സെക്രട്ടറി അസീസ് കളത്തിൽ സ്വാഗതവും
കർമ്മ സമിതി വൈസ് ചെയർമാൻ ജോൺസൻ നന്ദിയും പറഞ്ഞു.
