കോളേജ് വിദ്യാര്ത്ഥിനി വിട്ടില് മരിച്ച നിലയില് കണ്ടെത്തി. ബെംഗളൂരു സുധാമ്മനഗര് സ്വദേശിനിയും സ്വകാര്യ കോളേജിലെ ബി.ബി.എ. വിദ്യാര്ഥിനിയുമായ വര്ഷിണി(21)യെയാണ് മരിച്ച നിലയില് കണ്ടെത്തിയത്. ഞായറാഴ്ച രാവിലെയാണ് വീട്ടില് തൂങ്ങിയ നിലയില് കണ്ടത്. സംഭവം ആത്മഹത്യയാണെന്നാണ് പോലീസിന്റെ വിശദീകരണം.
ഫോട്ടോഷൂട്ടിന് പോകാന് മാതാപിതാക്കള് അനുവദിക്കാത്തതാണ് മരിക്കാൻ കാരണമെന്നാണ് പോലീസിനെ ഉദ്ധരിച്ച് പ്രാദേശിക മാധ്യമങ്ങള് റിപ്പോര്ട്ട് ചെയ്തത്. വര്ഷിണി ഫോട്ടോഗ്രാഫി കോഴ്സ് പൂര്ത്തിയാക്കിയിരുന്നു. ശനിയാഴ്ച മാളില് നടക്കുന്ന ഫോട്ടോഷൂട്ടിന് പോകാൻ വര്ഷിണി മാതാപിതാക്കളോട് അനുവാദം ചോദിച്ചിരുന്നു. എന്നാല് മാതാപിതാക്കള് ഇതിനു സമ്മതിച്ചില്ല.
ഇതിനു പിന്നാലെ കിടപ്പ്മുറിയില് കയറിയ വര്ഷിണി തൂങ്ങിമരിച്ചത്. എന്നാല് ഇക്കാര്യം ഞായറാഴ്ച രാവിലെയാണ് സംഭവം പുറത്തറിഞ്ഞതെന്നും ബെംഗളൂരു സെന്ട്രല് ഡി.സി.പി. എച്ച്.ടി.ശേഖര് മാധ്യമങ്ങളോട് പറഞ്ഞു. സംഭവത്തില് അന്വേഷണം തുടരുകയാണെന്നും അദ്ദേഹം കൂട്ടിച്ചേര്ത്തു.
ശ്രദ്ധിക്കുക: ആത്മഹത്യ ഒന്നിനും പരിഹാരമല്ല.. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക.. Toll free helpline number: 1056, മറ്റ് ഹെല്പ് ലൈൻ നമ്ബറുകള്: പ്രതീക്ഷ (കൊച്ചി ) -048-42448830, മൈത്രി ( കൊച്ചി )- 0484-2540530, ആശ്ര (മുംബൈ )-022-27546669, സ്നേഹ (ചെന്നൈ ) -044-24640050, സുമൈത്രി -(ഡല്ഹി )- 011-23389090, കൂജ് (ഗോവ )- 0832- 2252525, റോഷ്നി (ഹൈദരാബാദ്) -040-66202000)
