വയോജനങ്ങളുടെ മനസ്സ് നിറച്ച് ചെന്നലോട് വാർഡിൽ വയസ്സഴക്

ചെന്നലോട്: ആയുസ്സിന്റെ വലിയൊരു ഭാഗം കുടുംബത്തിനും സമൂഹത്തിനും വേണ്ടി സമർപ്പിച്ച് ജീവിതത്തിൻറെ പുതിയൊരു ഘട്ടത്തിലേക്ക് കടന്ന പ്രദേശത്തെ 60 വയസ്സ് കഴിഞ്ഞ മുഴുവൻ ആളുകളെയും ഉൾപ്പെടുത്തിക്കൊണ്ട് ചെന്നലോട് വാർഡിൽ വയസ്സഴക് 2024 എന്ന പേരിൽ വയോജന സ്നേഹസംഗമം സംഘടിപ്പിച്ചു. ചെന്നലോട് സെൻറ് സെബാസ്റ്റ്യൻസ് പാരിഷ് ഹാളിൽ പ്രത്യേകം തയ്യാറാക്കിയ ഇഎം സെബാസ്റ്റ്യൻ നഗറിൽ വച്ച് നടന്ന പരിപാടി നീലഗിരി കോളേജ് മാനേജിംഗ് ഡയറക്ടറും പ്രമുഖ പ്രഭാഷകനുമായ റാഷിദ് ഗസാലി ഉദ്ഘാടനം ചെയ്തു. വാർഡ് മെമ്പർ ഷമീം പാറക്കണ്ടി അധ്യക്ഷത വഹിച്ചു. സാംസ്കാരിക പ്രവർത്തകൻ താജ് മൻസൂർ, മാനസികാരോഗ്യ വിദഗ്ധൻ ജിനേഷ് ജോസഫ് എന്നിവർ വിഷയാവതരണം നടത്തി.

പരിപാടിയോടനുബന്ധിച്ച് വിവിധ സർക്കാർ സേവനങ്ങൾ, ജീവിതശൈലി രോഗ നിർണയ ക്യാമ്പ്, വിവിധ ആനുകൂല്യങ്ങൾക്കുള്ള സഹായകേന്ദ്രം, സൗജന്യ നേത്ര പരിശോധന, യോഗ ക്ലാസ്സ്, ട്രൈബൽ വകുപ്പ് സേവനങ്ങൾ, സാമ്പത്തിക സാക്ഷരത സഹായകേന്ദ്രം, കുടുംബശ്രീ തൊഴിൽമേള തുടങ്ങിയ സേവനങ്ങളും കലാപരിപാടികളും നടന്നു. കളിയും ചിരിയും കുറച്ച് കാര്യങ്ങളുമൊക്കെയായി നടന്ന വയസ്സഴക് പരിപാടിയിലെ വയോജനങ്ങളുടെ പ്രാതിനിത്യം ശ്രദ്ധേയമായി. കുടുംബത്തിലും സമൂഹത്തിലും ഒറ്റപ്പെട്ടു പോകാതെ മനസ്സിന് ആരോഗ്യവും സന്തോഷവും ഉണ്ടാവുമ്പോൾ വയസ്സും ഒരു അഴകാണെന്ന് ബോധ്യപ്പെടുത്തുന്നതാണ് ഈ പരിപാടി. 60 മുതൽ 96 വയസ്സുവരെ പ്രായപരിധിയിലുള്ളവർ പങ്കാളികളായി. വാർഡ് വികസന സമിതി അംഗങ്ങൾ, കുടുംബശ്രീ, ആരോഗ്യ പ്രവർത്തകർ, ആശാവർക്കർമാർ, ആരോഗ്യ ശുചിത്വ കമ്മിറ്റി അംഗങ്ങൾ തുടങ്ങിയവർ പരിപാടിക്ക് നേതൃത്വം നൽകി.

ഗ്രാമപഞ്ചായത്ത് മുൻ പ്രസിഡണ്ടുമാരായ എം എ ജോസഫ്, സി ടി ചാക്കോ, എ കെ മുബഷിർ, എൻ മാത്യു, ടി ഡി ജോയ്, ജോസ് മുട്ടപ്പള്ളി, ടി ഡീ ജോണി, ഹെൽത്ത് സൂപ്പർവൈസർ എം ബി മുരളി, ജെ എച്ച് ഐ ചാർലി, ഫൈസൽ മച്ചിങ്ങൽ, കെ ശരത് രാജ്, ജയ്മോൻ ജംഗിൾ ട്രഷേഴ്സ്, സജീറ അഷറഫ് തുടങ്ങിയവർ സംസാരിച്ചു. വികസന സമിതി സെക്രട്ടറി കുര്യൻ പായിക്കാട്ട് സ്വാഗതവും എഡിഎസ് പ്രസിഡൻറ് ഷീന ഗോപാലൻ നന്ദിയും പറഞ്ഞു.

വൈദ്യുതി മുടങ്ങും.

കെഎസ്ഇബി പനമരം ഇലക്ട്രിക്കൽ സെക്ഷൻ പരിധിയിൽ പെടുന്ന ആനക്കുഴി, അമലനഗർ, മൂലക്കര എന്നീ ട്രാൻസ്ഫോമർ പരിധികളിൽ നാളെ (ജൂൺ 30) രാവിലെ 9 മണി മുതൽ വൈകുന്നേരം 5 30 വരെ പൂർണമായോ ഭാഗികമായോ

പി.സി. കേശവൻ മാസ്റ്റർ സ്മാരക അനുസ്മരണവും താലൂക്ക്തല സ്പോട്സ് ക്വിസും സംഘടിപ്പിച്ചു.

വെള്ളമുണ്ട:പബ്ലിക് ലൈബറി വെള്ളമുണ്ടയുടെ നേതൃത്വത്തിൽ പി.സി. കേശവൻ മാസ്റ്റർ അനുസ്മരണവും സ്പോട്സ് ക്വിസും സംഘടിപ്പിച്ചു. കെ.ഡി രവീന്ദ്രൻ അനുസ്മരണ പ്രഭാഷണം നടത്തി. ലൈബ്രറി പ്രസിഡണ്ട് എം.സുധാകരൻ അധ്യക്ഷനായിരുന്നു.എവർറോളിംഗ് ട്രോഫി വിതരണോദ്ഘാടനം വയനാട് ജില്ലാ ക്ഷേമകാര്യ

മെഗാ രക്തദാന ക്യാമ്പ് നടത്തി

കണിയാമ്പറ്റ : കെ ഇ ടി വയനാട് ജില്ലാ കമ്മിറ്റി യുടെ നേതൃത്വത്തിൽ മെഗാ രക്‌തദാന ക്യാമ്പും വളണ്ടിയർ മാർക്ക് യൂണിഫോം വിതരണവും നടത്തി. കാവുങ്ങൽകണ്ടി അസൈനാറിന്റെ അധ്യക്ഷതയിൽ ഗ്രാമ പഞ്ചായത്ത്‌ പ്രസിഡന്റ്‌ കെ

ആംബുലൻസായി കെഎസ്ആർടിസി

ബത്തേരി: കോഴിക്കോട് നിന്നും മൈസൂരിലേക്ക് പോയ എടികെ 304 കെഎസ് ആർടിസി സൂപ്പർ ഫാസ്റ്റ് ബസിലെ ജീവനക്കാരായ കണ്ടക്ടർ രഘുനാഥ് സി.കെ, ഡ്രൈവർ സജീഷ് ടി.പി എന്നിവരുടെ സമയോചിത ഇടപെടൽ യാത്രികൻറെ ജീവൻ രക്ഷിച്ചു.

ചെന്നലോട്-ഊട്ടുപാറ റോഡിനായി ചുരമിറങ്ങി ജനപ്രതിനിധികള്‍

കല്‍പ്പറ്റ: വയനാട് ജില്ലയിലെ കോട്ടത്തറ, തരിയോട് ഗ്രാമപഞ്ചായത്തുകളിലൂടെ കടന്നുപോകുന്ന ചെന്നലോട്-ഊട്ടുപാറ റോഡിന്റെ നിര്‍മ്മാണ പ്രവര്‍ത്തിയിലുള്ള അനാസ്ഥക്കെതിരെ ചുരമിറങ്ങി പ്രതിഷേധിച്ച് ജനപ്രതിനിധികള്‍. സിആര്‍ഐഎഫ് ഫണ്ടില്‍ ഉള്‍പ്പെടുത്തി 15 കോടി രൂപ അനുവദിച്ച 12.3 കിലോമീറ്റര്‍ റോഡാണ്

ചൂരല്‍മല ടൗണില്‍ സ്മാര്‍ട്ട് ബസ് സ്റ്റോപ്പ് നിര്‍മ്മാണത്തിന് ഭരണാനുമതി.

ടി സിദ്ദിഖ് എംഎല്‍എയുടെ ആസ്തി വികസന നിധിയില്‍ ഉള്‍പ്പെടുത്തി മേപ്പാടി ഗ്രാമപഞ്ചായത്തിലെ ചൂരല്‍മല ടൗണില്‍ സ്മാര്‍ട്ട് ബസ് സ്റ്റോപ്പ് നിര്‍മ്മാണത്തിന് 10 ലക്ഷം രൂപയുടെ ഭരണാനുമതി ലഭിച്ചു.

WAYANAD EDITOR'S PICK

TOP NEWS

RECOMMENDED

കമന്റിൽ വരുന്ന അഭിപ്രായങ്ങൾ വയനാട് ലൈവ് ന്യൂസിന്റെ അഭിപ്രായങ്ങൾ അല്ല.