ചിക്കൻ പ്രേമികളുടെ പ്രിയപ്പെട്ടൊരു വിഭവമാണ് തന്തൂരി ചിക്കൻ. എന്നാല്‍ ഇപ്പോള്‍ ഭക്ഷണപ്രേമികള്‍ക്കിടയില്‍ ചർച്ചയായിരിക്കുന്നതും അത്തരമൊരു വിഭവത്തിന്റെ വീഡിയോയാണ്. സാമൂഹികമാധ്യമങ്ങളില്‍ വ്യത്യസ്തമായ വീഡിയോകള്‍ക്ക് നല്ല സ്വീകാര്യതയാണുള്ളത്. അത്തരത്തിലാണ് ഈ വീഡിയോയും വൈറലായിരിക്കുന്നത്.
വീഡിയോയില്‍ കാണുന്നത് പോലെ ഇത് തന്തൂരി ചിക്കനല്ല. ചിക്കൻ പ്രേമികളെ തികച്ചും നിരാശപ്പെടുത്തുന്ന വീഡിയോയാണിത്.വീഡിയോയുടെ തുടക്കത്തില്‍ ഒരു പാത്രത്തില്‍ നന്നായി വറുത്ത തന്തൂരി ചിക്കൻ കഷണം ഇരിക്കുന്നതാണ് നാം കാണുന്നത്. ഒറ്റ നോട്ടത്താല്‍ തന്തൂരി ചിക്കൻ ആണെന്നേ എല്ലാവർക്കും തോന്നുകയുള്ളൂ. എന്നാല്‍ സംഭവം ശരിക്കും മറ്റൊരു ഭക്ഷണപദാർത്ഥമായിരുന്നു. എന്താണെന്നറിയാൻ വീഡിയോ ചുവടെ കാണാം.
https://www.instagram.com/reel/C3z3-sKvwHO/?igsh=ZW9rNjV2bmtqNzVx
തന്തൂരി ചിക്കന്റെ രൂപത്തിലുള്ള കേക്കിന്റെ വീഡിയോ ഇൻസ്റ്റഗ്രാമിലൂടെ ആണ് പ്രചരിക്കുന്നത്. ദയീത പാല്‍ എന്ന ബേക്കറാണ് തന്റെ ഇൻസ്റ്റാഗ്രാം പേജിലൂടെ ഈ ഹൈപ്പർ റിയലിസ്റ്റിക് കേക്കിന്റെ വീഡിയോ പങ്കുവച്ചിരിക്കുന്നത്. ഒരു പാത്രത്തില്‍ നന്നായി വറുത്ത തന്തൂരി ചിക്കൻ കഷണവും സാലഡുകളും ഇരിക്കുന്നതായേ ഒറ്റ നോട്ടത്തില്‍ തോന്നുകയുള്ളൂ. എന്നാല്‍ കത്തിയും ഫോർക്കും എടുത്ത് നടുവില്‍ നിന്നും ഇത് മുറിക്കുമ്ബോള്‍, വാനില ഫോണ്ടന്റും ചോക്ലേറ്റ് ഫില്ലിംഗും കാണുമ്ബോഴാണ് കാഴ്ചക്കാർ ഞെട്ടിപ്പോകുന്നത്. അത്രയും കൃത്യതയോടെയാണ് തന്തൂരിചിക്കനെപ്പോലെ കേക്ക് അവർ ബേക്ക് ചെയ്തു വെച്ചിരിക്കുന്നത്.
7.7 മില്യണ്‍ ആളുകളാണ് ഇതിനകം ഈ വീഡിയോ ഇതുവരെ കണ്ടത്. വീഡിയോ വൈറലായതോടെ നിരവധി പേരാണ് കമന്റുകളുമായി രംഗത്തെത്തിയത്. ബേക്കറിനെ പ്രശംസിച്ചാണ് കൂടുതല്‍ ആളുകളും കമന്റുകള്‍ ചെയ്തിരിക്കുന്നത്. എന്നാല്‍ ചിക്കൻ പ്രേമികളായി ചിലർക്ക് ഇതത്ര രസിച്ചിട്ടില്ല. ഇനിയും ഇത്തരം പരീക്ഷണങ്ങള്‍ നിർത്തിക്കൂടെയെന്നാണ് ഇവരുടെ പ്രതികരണം.
