ടൊവിനോ തോമസിനെ നായകനാക്കി ലാല് ജൂനിയർ സംവിധാനം ചെയ്യുന്ന നടികർ മെയ് 3 ന് തിയറ്ററുകളിലെത്തും. ബിഗ് ബഡ്ജറ്റില് ഒരുങ്ങുന്ന ചിത്രത്തില് ഡേവിഡ് പടിക്കല് എന്ന കഥാപാത്രമായി ആണ് ടൊവിനോ എത്തുന്നത്. സിനിമയുടെ പശ്ചാത്തലത്തില് കഥപറയുന്ന ചിത്രം ഒരു സൂപ്പർസ്റ്റാറിന്റെ ജീവിതത്തിലൂടെയാണ് കടന്ന് പോകുന്നത്.
ഗോഡ് സ്പീഡ് ആൻ്റ് മൈത്രിമൂവി മേക്കേഴ്സിൻ്റെ ബാനറില് നവീൻ യേർനേനി, വൈ.രവിശങ്കർ, അലൻ ആൻ്റണി, അനൂപ് വേണു ഗോപാല് എന്നിവരാണ് നിർമ്മിക്കുന്നത്. പുഷ്പ പോലെ വമ്ബൻ ചിത്രങ്ങള് നിർമ്മിച്ചു പോരുന്ന മൈത്രി മൂവി മേക്കേഴ്സിന്റെ മലയാളത്തിലേക്കുള്ള കടന്നു വരവ് കൂടിയാണ് നടികർ. നടികർ തിലകം എന്ന് പേരിട്ടിരുന്ന സിനിമ ശിവാജി ഗണേശൻ ആരാധകരുടെ അഭ്യർത്ഥനയെ തുടർന്ന് പേര് മാറ്റുകയായിരുന്നു. ചിത്രത്തിന്റെ ഇന്ന് റിലീസായ ട്രെയിലറിന് വൻ സ്വീകാര്യതയാണ് ലഭിക്കുന്നത്.
ഡ്രൈവിംഗ് ലൈസന്സ് എന്ന ഹിറ്റ് ചിത്രത്തിന് ശേഷം ലാല് ജൂനിയര് സംവിധാനം ചെയ്യുന്ന ചിത്രമാണ് നടികർ. നാല്പ്പതു കോടി രൂപയുടെ ബഡ്ജറ്റാണ് ഈ ചിത്രത്തിനു വേണ്ടി കണ്ടിരുന്നതെങ്കിലും അതില് നിന്നെല്ലാം വളരെ മുന്നോട്ടു പോകേണ്ട സാഹചര്യങ്ങളാണ് ഉണ്ടായതെന്ന് നിർമ്മാതാക്കളായ അലൻ ആൻ്റണിയും, അനൂപ് വേണുഗോപാലും വ്യക്തമാക്കിയിരുന്നു. സൗബിൻ ഷാഹിർ, ബാലു വർഗീസ്, ചന്ദു സലിംകുമാർ, ഭാവന, ധ്യാൻ ശ്രീനിവാസൻ ,അനുപ് മേനോൻ ,സുരേഷ് കൃഷ്ണാ, വീണാനന്ദ കുമാർ, ഇന്ദ്രൻസ്, അല്ത്താഫ് സലിം ,മധുപാല്, സഞ്ജു ശിവറാം, ഗണപതി, മണിക്കുട്ടൻ, ഖാലിദ് റഹ്മാൻ, ജയരാജ് കോഴിക്കോട്, അഭിരാം പൊതുവാള്, മനോഹരി ജോയ്, മാലാ പാർവ്വതി എന്നിവരും ചിത്രത്തില് പ്രധാന വേഷങ്ങളിലെത്തുന്നു.
ചിത്രത്തിന്റെ തിരക്കഥ ഒരുക്കുന്നത് സുവിന് എസ് സോമശേഖരനാണ്. ആല്ബിയാണ് ചിത്രത്തിനായി ക്യാമറ ചലിപ്പിക്കുന്നത്. യക്സന് ഗാരി പെരേര, നേഹ എസ് നായര് എന്നിവരാണ് ചിത്രത്തിൻ്റെ സംഗീത സംവിധാനം നിർവഹിക്കുന്നത്. രതീഷ് രാജാണ് എഡിറ്റര്. പ്രശാന്ത് മാധവ് പ്രൊഡക്ഷൻ ഡിസൈൻ നിര്വഹിക്കുന്നു. നിതിന് മൈക്കിളാണ് ചീഫ് അസോസിയേറ്റ്. പ്രൊഡക്ഷൻ കണ്ട്രോളർ – മനോജ് കാരന്തൂർ, ഓഡിയോഗ്രഫി – ഡാൻ ജോസ്. ഏക്ത ഭട്ടേത് വസ്ത്രാലങ്കാരവും ആര് ജി വയനാടൻ മേക്കപ്പും നിര്വഹിക്കുന്നു. സൗണ്ട് ഡിസൈൻ – അരുണ് വർമ്മ MPSE, കൊറിയോഗ്രാഫി – ഭൂപതി, ആക്ഷൻ – കാലൈ കിങ്സണ്, വിഷ്വല് എഫ് എക്സ് – മേരകി വി എഫ് എക്സ്, പ്രോമോ സ്റ്റില് – രമ ചൗധരി, സ്റ്റില് ഫോട്ടോഗ്രഫി – വിവി ചാർളി, പ്രോമോ ഡിസൈൻ – സിജെ അച്ചു, പബ്ലിസിറ്റി ഡിസൈൻ – ഹെസ്റ്റണ് ലിനോ, ഡിജിറ്റല് പി ആർ – അനൂപ് സുന്ദരൻ, പി ആർ ഓ – ശബരി.
