നടി സ്വാസികയുടെ വിവാഹം ഈ അടുത്താണ് കഴിഞ്ഞത്. നടനും മോഡലുമൊക്കെ ആയ പ്രേം ജേക്കബ്ബാണ് സ്വാസികയുടെ ഭർത്താവ്. സ്വാസികയും പ്രേമും കുറേനാളുകളായി പ്രണയത്തിലായിരുന്നു. ആഘോഷപൂർവ്വം നടന്ന വിവാഹത്തില് നിരവധി താരങ്ങള് പങ്കെടുത്തിരുന്നു. സീരയലിലൂടെയാണ് സ്വാസിക പ്രേക്ഷക മനസ്സില് സ്ഥാനം നേടിയതെങ്കിലും ഇപ്പോള് സിനിമയിലും സജീവമാണ് താരം.
വിവാഹ ശേഷവും സ്വാസികയും പ്രേമും അഭിനയവും ഷൂട്ടുമൊക്കെയായി തിരക്കിലാണ്. എന്നാലും തങ്ങളുടെ വിശേഷങ്ങള് യൂട്യൂബ് ചാനലിലൂടെ സ്വാസിക പങ്കുവെയ്ക്കാറുണ്ട്. എപ്പോഴും താരം സന്തോഷമുള്ള കാര്യങ്ങളാണ് പങ്കുവെയ്ക്കാറുള്ളത്, എന്നാല് ഇപ്പോല് കുറച്ച് സങ്കടമുള്ള കാര്യമാണ് പങ്കുവെച്ചിരിക്കുന്നത്. തന്റെ യൂട്യൂബ് ചാനല് നഷ്ടമായതിനെക്കുറിച്ചാണ് താരം പറഞ്ഞത്. ഏകദേശം മൂന്ന് ലക്ഷത്തില് അധികം സബ്ക്രൈബേഴ്സ് ഉണ്ടായിരുന്ന തന്റെ യൂട്യൂബ് ചാനല് തനിക്ക് നഷ്ടമായ വിവരം വളരെ സങ്കടത്തോടെയാണ് സ്വാസിക അറിയിച്ചത്. അത് ഹാൻഡില് ചെയ്തിരുന്ന വ്യക്തിയെ കോണ്ടാക്ട് ചെയ്യാൻ പറ്റുന്നില്ലെന്നും താരം പറയുന്നു.
യൂട്യൂബ് ഹാക്കായ അവസ്ഥയിലാണ് ഉള്ളതെന്നും സ്വാസിക പറഞ്ഞു.ഒരിക്കലും പ്രതീക്ഷിക്കാത്ത സംഭവം ആണ് നടന്നതെന്നും നിയമപരമായി മുൻപോട്ട് പോകുമെന്നും സ്വാസിക പറഞ്ഞു. അത് തിരികെ പിടിക്കാനുള്ള ശ്രമങ്ങള് തുടങ്ങി അതുവരെ ആ ചാനല് കാണുകയോ സബ്സ്ക്രൈബ് ചെയ്യുകയോ ചെയ്യരുതെന്നും സ്വാസിക പറയുന്നു. എന്റെ യൂട്യൂബ് ചാനല് ഹാക്കായി. അത് മാനേജ് ചെയ്തിരുന്നത് വേറൊരു ടീമാണ്. അവരെ വിളിച്ചിട്ട് കിട്ടുന്നില്ല. എന്താണ് സംഭവിച്ചത് എന്ന് അറിയില്ല. ആരും ഇനിയത് ലൈക്ക് ചെയ്യരുത്. സബ്സ്ക്രൈബ് ചെയ്യരുത്. സൈബറില് കൈപ്ലെൻറ് ചെയ്ത് തിരികെ കിട്ടുന്നത് വരെ ആരും ലൈക്കും സബ്സ്ക്രൈബ് ചെയ്യരുത് . താനും പ്രേമും കൂടി പുതിയൊരു യൂട്യൂബ് ചാനല് തുടങ്ങുന്നുണ്ടെന്നും ഇനി മുതല് വീഡിയോസും വിശേഷങ്ങളും അതിലാണ് ഉണ്ടാവുക എന്നും സ്വാസി പറയുന്നു.
