പുല്‍പ്പള്ളി: ആൾ കേരള ഫോട്ടോഗ്രാഫേഴ്സ് അസോസിയേഷൻ പുതിയ ഐഡി കാർഡ് വിതരണത്തോടനുബന്ധിച്ച് നടത്തിയ യോഗത്തിലാണ് നിര്‍ദിഷ്ട കടമാന്‍തോട് പദ്ധതി പഠന റിപ്പോര്‍ട്ട് പുറത്തുവിടണമെന്ന് ആവശ്യപ്പെട്ടത്. പദ്ധതി നടപടികള്‍ വേഗത്തിലാക്കണം. അഭൂതപൂര്‍വകമായ വരള്‍ച്ചയാണ് പുല്‍പ്പള്ളി, മുള്ളന്‍കൊല്ലി പഞ്ചായത്തുകളില്‍ അനുഭവപ്പെടുന്നത്. കരിഞ്ഞുണങ്ങിയ കൃഷിയിടങ്ങളും വിണ്ടുകീറിയ ഭൂമിയും എവിടെയും കാണാന്‍ കഴിയും. കുഴല്‍ക്കിണറുകളടക്കം ജല സ്രോതസുകള്‍ വറ്റി. ഭാവിയില്‍ വീണ്ടും സംഭവിക്കാവുന്ന വരള്‍ച്ചയെ അതിജീവിക്കാന്‍ ദീര്‍ഘകാലാടിസ്ഥാനത്തില്‍ പദ്ധതികള്‍ അനിവാര്യമാണ്. ചുട്ടുപൊള്ളുന്ന വേനലില്‍ മാത്രം ചര്‍ച്ച ചെയ്യേണ്ട വിഷയമായി കടമാന്‍തോട് പദ്ധതി മാറരുത്. പദ്ധതിയക്കുറിച്ച് ജനങ്ങളില്‍ ചിലര്‍ക്കുള്ള ആശങ്ക പരിഹരിക്കുന്നതിനാണ് വിശദമായ പഠനം നടത്തിയത്. പഠന റിപ്പോര്‍ട്ട് പരസ്യപ്പെടുത്തുന്നത് ആശങ്കകള്‍ അലകാന്‍ ഉതകും. കൃഷിയും ജീവനോപാധികളും നശിക്കുന്നത് നിസഹായതയോടെ നോക്കിനില്‍ക്കേണ്ട അവസ്ഥയിലാണ് കര്‍ഷക സമൂഹം. കാര്‍ഷിക മേഖലയുടെ തകര്‍ച്ചയെത്തുടര്‍ന്ന് ജനം ഉപജീവനത്തിനു ആശ്രയിച്ച ക്ഷീര മേഖലയും പ്രതിസന്ധിയിലാണ്. ജനങ്ങളുടെ ആശങ്ക അകറ്റിയും കഷ്ടനഷ്ടങ്ങള്‍ പരമാവധി കുറച്ചും കടമാന്‍തോട് പദ്ധതി നടപ്പാക്കാന്‍ കഴിയണം. പദ്ധതി വൈകുന്നത് രണ്ടു പഞ്ചായത്തുകളിലും ജനജീവിതം ദുഷ്‌കരമാക്കും. മഴവെള്ളം തടഞ്ഞുനിര്‍ത്താനും അതുവഴി ഭൂഗര്‍ഭ ജലവിതാനം ഉയര്‍ത്താനും സഹായകമാകുന്നതാണ് പദ്ധതി. 2033 ഓടെ പദ്ധതി യാഥാര്‍ഥ്യമാക്കാന്‍ കഴിഞ്ഞില്ലങ്കില്‍ അന്തര്‍സംസ്ഥാന നദീജല തര്‍ക്കവുമായി ബന്ധപ്പെട്ട് സുപ്രീം കോടതിയിലുള്ള കേസില്‍ കബനി നദീജല വിനിയോഗത്തില്‍നിന്നു കേരളം പുറത്താകുമെന്നത് ഗൗരവത്തോടെ കാണേണ്ട കാര്യമാണെന്നും യോഗം ആവശ്യപ്പെട്ടു. യോഗത്തിൽ യൂണിറ്റ് പ്രസിഡന്റ് ബിജുമോൻ കെ കെ അധ്യക്ഷനായിരുന്നു. ബത്തേരി മേഖല വൈസ് പ്രസിഡന്റ് തോമസ് എ സി പുതിയ മെമ്പറായ ഷിൽജിത്തിന് ഐഡി കാർഡ് നൽകി ഉദ്ഘാടനം ചെയ്തു. ബത്തേരി മേഖല ജോയിൻ സെക്രട്ടറി ഡാമിൻ ജോസഫ് മുഖ്യപ്രഭാഷണം നടത്തി.യൂണിറ്റ് സെക്രട്ടറി സനീഷ് പി ആർ, യൂണിറ്റ് ട്രഷറർ ടോമി ഇ ടി എന്നിവർ പ്രസംഗിച്ചു.
വൈദ്യുതി മുടങ്ങും.
കെഎസ്ഇബി പനമരം ഇലക്ട്രിക്കൽ സെക്ഷൻ പരിധിയിൽ പെടുന്ന ആനക്കുഴി, അമലനഗർ, മൂലക്കര എന്നീ ട്രാൻസ്ഫോമർ പരിധികളിൽ നാളെ (ജൂൺ 30) രാവിലെ 9 മണി മുതൽ വൈകുന്നേരം 5 30 വരെ പൂർണമായോ ഭാഗികമായോ
