മേപ്പാടി: ഹാരിസണ്സ് മലയാളം ലിമിറ്റഡ് അരപ്പറ്റ എസ്റ്റേറ്റ് ഓണാഘോഷം വിപുലമായ പരിപാടികളുടെ നടത്തി. മൂപ്പനാട് പഞ്ചായത്ത് പ്രസിഡന്റ് കേശവന് ഉദ്ഘാടനം ചെയ്തു. എസ്റ്റേറ്റ് സീനിയര് മാനേജര് അനുഷ്മാന് പട്നയ്ക്ക് അധ്യക്ഷത വഹിച്ച യോഗത്തില് എസ്റ്റേറ്റ് അസിസ്റ്റന്റ് മാനേജര് ശിഹാബുദ്ദീന്, യൂണിയന് നേതാക്കളായ ടി ഹംസ, ഗഗാറിന്,സുരേഷ് ബാബു, വേണു മാഷ്, യു കരുണന്, ബി ഡി ദേവസ്യ, മേപ്പാടി എസ് എച്ച് ഒ മിഥുന്, പഞ്ചായത്ത് മെമ്പര്മാരായ ഷഫീഖ്, സംഗീത, മുന് പഞ്ചായത്ത് പ്രസിഡന്റ് ഉണ്ണികൃഷ്ണന് തുടങ്ങിയവര് സംബന്ധിച്ചു. പുരുഷന്മാരുടെ വടംവലി മത്സരത്തില് ഫാക്ടറി ഒന്നാം സ്ഥാനവും നെടുംകരണ ഡിവിഷന് രണ്ടാം സ്ഥാനവും നേടി. വനിതകളുടെ വടംവലി മത്സരത്തില് നെടുമ്പാല ഡിവിഷന് ഒന്നാം സ്ഥാനവും കടൂര ഡിവിഷന് രണ്ടാം സ്ഥാനവും നേടി. അത്തപ്പൂക്കളം മത്സരത്തില് നെടുമ്പാല ഒന്നാം സ്ഥാനവും എന് സി ഡിവിഷന് രണ്ടാം സ്ഥാനവും നേടി.
