ബെംഗളൂരുവിൽ ചരിത്രമെഴുതി ഇന്ത്യ, റയാൻ വില്യംസിന്‍റെ ഗോളില്‍ പനാമയ്ക്ക് സമനിലപ്പൂട്ട്; ഇനി ലക്ഷ്യം ബ്രസീൽ

ലോകകപ്പിൽ കളിച്ച കരുത്തരായ പനാമക്കെതിരെ തകർപ്പൻ പ്രകടനവുമായി ഇന്ത്യൻ ഫുട്ബോൾ ടീം. ശ്രീ കണ്ഠീരവ സ്റ്റേഡിയത്തിൽ നടന്ന ആവേശകരമായ സൗഹൃദ മത്സരത്തിൽ പനാമയെ ഇന്ത്യ 1-1 എന്ന സ്കോറിനാണ് സമനിലയില്‍ തളച്ചത്. റയാൻ വില്യംസിലൂടെ ആദ്യ പകുതിയിൽ ഇന്ത്യ മുന്നിലെത്തിയെങ്കിലും രണ്ടാം പകുതിയിൽ ഒമർ ജാവിയർ വലൻസിയയിലൂടെ പനാമ സമനില പിടിക്കുകയായിരുന്നു. ഫിഫ റാങ്കിംഗിൽ 44-ാം സ്ഥാനത്തുള്ള പനാമക്കെതിരെ 138-ാം സ്ഥാനക്കാരായ ഇന്ത്യ കാഴ്ചവെച്ച പോരാട്ടവീര്യം പ്രശംസനീയമായിരുന്നു. 2026ലെ ഫിഫ ലോകകപ്പിൽ കളിച്ച 12 പ്രമുഖ താരങ്ങളുമായാണ് പനാമ ബംഗളൂരുവിൽ ഇറങ്ങിയത്.