വിമാനക്ഷാമം നേരിട്ട് ഇന്ത്യ; 1,000 വിമാനങ്ങള്‍ കൂടി വാങ്ങാന്‍ തയ്യാറെന്ന് കേന്ദ്രമന്ത്രി പീയുഷ് ഗോയല്‍

Advertisement
Featured Image

ന്യൂഡല്‍ഹി: ഇന്ത്യയില്‍ സിവിലിയന്‍ വിമാനങ്ങളുടെ ഗണ്യമായ ക്ഷാമം നേരിടുന്ന പശ്ചാത്തലത്തില്‍, വര്‍ധിച്ചുവരുന്ന വ്യോമഗതാഗത ആവശ്യങ്ങള്‍ നിറവേറ്റുന്നതിനായി 1,000 വിമാനങ്ങള്‍ കൂടി ഓര്‍ഡര്‍ ചെയ്യാന്‍ രാജ്യം സജ്ജമാണെന്ന് കേന്ദ്ര വാണിജ്യ-വ്യവസായ മന്ത്രി പീയുഷ് ഗോയൽ. ഈജിപ്തുമായുള്ള വ്യാപാര-നിക്ഷേപ ബന്ധങ്ങള്‍ ശക്തമാക്കുന്നതിനുള്ള രണ്ടുദിവസത്തെ ഔദ്യോഗിക സന്ദര്‍ശനത്തിനിടെ മാധ്യമപ്രവര്‍ത്തകരോട് സംസാരിക്കവേയാണ് മന്ത്രി ഇക്കാര്യം വ്യക്തമാക്കിയത്. ഇന്ത്യയിലെ വിമാനക്കമ്പനികള്‍ ഇതിനകം 1,200ലധികം വിമാനങ്ങള്‍ക്കായി ഓര്‍ഡര്‍ നല്‍കിക്കഴിഞ്ഞു. എന്നാല്‍ രാജ്യത്തിന്റെ സമഗ്രമായ യാത്രാ ആവശ്യങ്ങള്‍ക്ക് 2,000ലധികം വിമാനങ്ങള്‍ ആവശ്യമുണ്ട്. അതിനാല്‍ തന്നെ 1,000 വിമാനങ്ങള്‍ കൂടി ഓര്‍ഡര്‍ ചെയ്യാന്‍ കേന്ദ്ര സര്‍ക്കാര്‍ സജ്ജമാണെന്ന് ഗോയല്‍ അറിയിച്ചു.

Advertisement

Related News