ഡ്രൈ ഡേയിൽ വിൽപ്പനയ്‌ക്കായി സൂക്ഷിച്ച 38 ലിറ്റർ വിദേശമദ്യവുമായി ഒരാൾ അറസ്റ്റിൽ

സർക്കാരിന്റെ 100 ദിന കർമപദ്ധതിയുടെ ഭാഗമായി വയനാട് എക്‌സൈസ് എൻഫോഴ്‌സ്‌മെന്റ് ആൻഡ് ആന്റി നാർക്കോട്ടിക് സ്‌പെഷ്യൽ സ്‌ക്വാഡ് നടത്തിയ പ്രത്യേക പരിശോധനയിൽ ഡ്രൈ ഡേയിൽ വിൽപ്പനയ്‌ക്കായി സൂക്ഷിച്ച 38 ലിറ്റർ ഇന്ത്യൻ നിർമ്മിത വിദേശമദ്യം പിടികൂടി. സംഭവുമായി ബന്ധപ്പെട്ട് സുൽത്താൻ ബത്തേരി താലൂക്കിലെ കുപ്പാടി വില്ലേജിൽ അർമാട് ഭാഗത്ത് റാത്തപ്പിള്ളിൽ വീട്ടിൽ അഗസ്റ്റിന്റെ മകൻ എമിൽ അഗസ്റ്റിനെ (44) അറസ്റ്റ് ചെയ്ത് അബ്കാരി കേസ് എടുത്തു.