കൽപ്പറ്റ ഗവ. ഐടിഐയിൽ 2025 വർഷത്തെ പ്രവേശനത്തിനുള്ള ആദ്യ ഘട്ട കൗൺസിലിങ് നാളെ (ജൂലൈ 15) രാവിലെ 9 മുതൽ സ്ഥാപനത്തിൽ നടക്കും. മെട്രിക്, നോൺ-മെട്രിക് ട്രേഡുകളിലേക്ക് ഓൺലൈനായി അപേക്ഷിച്ചവരിൽ 205 വരെ ഇൻഡക്സ്‌ മാർക്ക് ഉള്ളവർക്കാണ് കൗൺസിലിങ്ങിൽ പങ്കെടുക്കാൻ സാധിക്കുക. അർഹരായവരുടെ പട്ടിക itiadmissions.kerala.gov.in ൽ ലഭ്യമാണ്. കൗൺസിലിങ്ങിൽ പങ്കെടുക്കുന്നതിനായി സർട്ടിഫിക്കറ്റുകളുടെ അസൽ, ആധാർ കാർഡ്, ഫോട്ടോ എന്നിവയുമായി രക്ഷിതാവുമൊത്ത് എത്തിച്ചേരണം. ഫോൺ: 04936 205519, 9995914652, 9961702406.
സ്വയം തൊഴില്‍ വായ്പയ്ക്ക് അപേക്ഷിക്കാം
സംസ്ഥാന പട്ടികജാതി- പട്ടികവര്‍ഗ്ഗ വികസന കോര്‍പറേഷന്‍, ദേശീയ പട്ടികവര്‍ഗ്ഗ ധനകാര്യ വികസന കോര്‍പറേഷനുകളുടെ സഹായത്തോടെ നടപ്പാക്കുന്ന സ്വയം തൊഴില്‍ വായ്പയ്ക്ക് അപേക്ഷിക്കാം. പദ്ധതി മുഖേന ജില്ലയിലെ പട്ടികജാതി വിഭാഗക്കാരായ യുവതീ-യുവാക്കള്‍ക്ക് 50,000 മുതല്‍ മൂന്ന്
