മാനന്തവാടി: മാനന്തവാടി സെന്റ് ജോസഫ് ആശുപത്രിക്ക് മുന്‍ഭാഗത്തായി നിയന്ത്രണം വിട്ട സ്‌കൂട്ടര്‍ മറിഞ്ഞുണ്ടായ അപകടത്തില്‍ യുവാവ് മരിച്ചു. ഒണ്ടയങ്ങാടി സ്വദേശി മാഞ്ഞൂരാന്‍ സജിയുടെയും നാന്‍സിയുടേയും മകന്‍ ജസ്റ്റിന്‍ (20) ആണ് മരിച്ചത്. ജസ്റ്റിനും, സുഹൃത്തും സഞ്ചരിച്ച സ്‌കൂട്ടര്‍ നിയന്ത്രണം വിട്ട് മറിഞ്ഞതോടെ പിന്‍സീറ്റിലിരിക്കുകയായിരുന്ന ജസ്റ്റിന്‍ കെ.എസ്.ആര്‍.ടി.സി ബസ്സിനടിയില്‍പ്പെടുകയായിരുന്നു. തുടര്‍ന്ന് ജില്ലാശുപത്രിയിലെത്തിച്ചുവെങ്കിലും മരിക്കുകയായിരുന്നു. ദ്വാരക പോളിടെക്‌നിക് വിദ്യാര്‍ത്ഥിയാണ് ജസ്റ്റിന്‍.
രക്തദാന ക്യാമ്പ് നടത്തി
മാനന്തവാടി : ടീം ജ്യോതിർഗമയയും ശതാവരി മകര ആയുർവേദ ആശുപത്രിയും ചേർന്ന് രക്തദാന ക്യാമ്പ് നടത്തി. മെഡിയ്ക്കൽ കോളജ് ബ്ലഡ് ബാങ്കിൽ നടന്ന ക്യാപ് ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി ഉദ്ഘാടനം ചെയ്തു.
