വയനാട് മീനങ്ങാടി സ്വദേശി സരുൺ മാണിയ്ക്ക് ഇന്ത്യൻ ഇൻസ്റ്റിറ്റ്യൂട്ട് ഓഫ് സ്കോളേഴ്സിന്റെ ഈ വർഷത്തെ യങ്ങ് അച്ചീവർ അവാർഡ് ലഭിച്ചു. ബയോമെഡിക്കൽ എഞ്ചിനീയറിംഗ് രംഗത്ത് നൽകിയ സമഗ്ര സംഭാവനകൾ പരിഗണിച്ചാണ് പുരസ്‌കാരം. കേരളത്തിലെ ബയോമെഡിക്കൽ എഞ്ചിനീയർമാരുടെ സംഘടനയായ ബയോമെഡിക്കൽ എഞ്ചിനീയഴ്സ് ആൻറ് ടെക്‌നീഷ്യൻസ് അസോസിയേഷൻ കേരളയുടെ സംസ്ഥാന പ്രസിഡണ്ടാണ് എൽ എൽ ബി ബിരുദധാരി കൂടിയായ അദ്ദേഹം. നിരവധി ദേശീയ – അന്തർദേശീയ ജേർണലുകളിൽ എഡിറ്റോറിയൽ ബോർഡ് അംഗമായും നിരൂപകനുമായും പ്രവർത്തിച്ചു വരുന്നു. ദി ഇൻസ്റ്റിറ്റ്യുഷൻ ഓഫ് എഞ്ചിനീയഴ്സ് ഇന്ത്യയുടെ ചാർട്ടേർഡ് എഞ്ചിനീയർ ബഹുമതി, യങ്ങ് സയന്റിസ്റ്റ് അവാർഡ്, യങ്ങ് എഞ്ചിനീയർ അവാർഡ് അടക്കം നിരവധി പുരസ്‌കാരങ്ങൾ നേടിയിട്ടുണ്ട്.
അജൈവ മാലിന്യങ്ങളാല്‍ പൂക്കളം തീര്‍ത്ത് ശുചിത്വമിഷന്‍
അജൈവ മാലിന്യങ്ങളാല്‍ പൂക്കളം തീര്‍ത്ത് ശുചിത്വമിഷന്‍. മാലിന്യ സംസ്‌കരണ പ്രവര്‍ത്തനങ്ങള്‍ ഊര്‍ജ്ജിതമാക്കി അജൈവ മാലിന്യങ്ങള്‍ തരംതിരിക്കുന്നതിന്റെ പ്രാധാന്യം പൊതുജനങ്ങളിലേക്കെത്തിക്കുക ലക്ഷ്യമിട്ടാണ് ശുചിത്വമിഷന്‍ ഓണപൂക്കളം ഒരുക്കിയത്. അജൈവ മാലിന്യങ്ങളാല്‍ തയ്യാറാക്കിയ ഓണപൂക്കളം സംസ്ഥാനത്തിന് തന്നെ മാതൃകയായി
