ആശങ്കയുയർത്തി മുട്ടലിൽ ഇന്നലെയും ഏഴുപേർക്ക് കോവിഡ് പോസിറ്റീവായി. ആരോഗ്യ വകുപ്പിൻ്റെ നേതൃത്വത്തിൽ ഇന്നലെ മുട്ടിൽ നടത്തിയ പരിശോധനയിലാണ് ഏഴുപേർക്ക് ആൻ്റിജൻ പോസിറ്റീവ് ആയത്. 41 പേർക്ക് ആർ.ടി.പി.സി.ആർ പരിശോധനയും നടത്തി.103 പേരുടെ ആൻ്റിജൻ പരിശോധനയുമാണ് ഇന്നലെ നടത്തിയത്. ഇവരിൽ കാക്കവയൽ, ആനപ്പാറ കുമ്പളാട് , എടപെട്ടി എന്നിവിടങ്ങളിൽനിന്നുള്ളവർക്കാണ് രോഗം സ്ഥിരീകരിച്ചത്. ഇതിനുമുമ്പ് 35 പേർക്ക് മുട്ടിൽ പഞ്ചായത്തിൽ സമ്പർക്കത്തിലൂടെ രോഗം സ്ഥിരീകരിച്ചിരുന്നു. ഇവരുടെ സമ്പർക്കത്തിൽ ഉള്ളവരെയാണ് പരിശോധനയ്ക്ക് വിധേയമാക്കിയത്. ടൗണിലെ ഒരു ചുമട്ടുതൊഴിലാളിക്ക് കൊവിഡ് പോസിറ്റീവായതോടെ അദ്ദേഹത്തോടൊപ്പം ജോലി ചെയ്ത 10 തൊഴിലാളികളും ഇപ്പോൾ നിരീക്ഷണത്തിലാണ്.
കുടിക്കാഴ്ച്ച മാറ്റി.
മേപ്പാടി ഗ്രാമപഞ്ചായത്ത് അസിസ്റ്റന്റ് എൻജിനീയറുടെ ഓഫീസിൽ ഓവർസീയർ തസ്തികയിലേക്ക് ജൂലൈ 14 ന് രാവിലെ 11 ന് നടത്താനിരുന്ന കുടിക്കാഴ്ച്ച മാറ്റിയതായി ഗ്രാമപഞ്ചായത്ത് സെക്രട്ടറി അറിയിച്ചു. പുതുക്കിയ തിയ്യതി പിന്നീട് അറിയിക്കും.
