മൂലമറ്റം : സുഹൃത്തുകൾക്കൊപ്പംവാഗമണ്‍ സന്ദര്‍ശിക്കാന്‍ പോയ യുവാക്കളിലൊരാള്‍ കൊക്കയില്‍ വീണ് മരിച്ചു.
തൊടുപുഴ കാരിക്കോട് പുതിയേടത്ത് സോമശേഖരന്‍നായരുടെ മകന്‍ ഉണ്ണിക്കൃഷ്ണന്‍ (29) ആണ് സെല്‍ഫി എടുക്കുന്നതിനിടെ താഴ്ചയിലേക്ക് വീണ് മരിച്ചത്.
യാത്രക്കിടയിൽ കുമ്പംകാനത്ത് റോഡരികിലെ കെട്ടില്‍ നിന്ന് സെല്‍ഫി എടുക്കാന്‍ ശ്രമിക്കുന്നതിനിടെ 200 അടി താഴ്ചയിലേക്ക് വീഴുകയായിരുന്നു.
ഇന്നലെ വൈകിട്ട് 5 മണിയോടെയാണ് സംഭവം.
കൂടെയുണ്ടായിരുന്നവര്‍ വിളിച്ച് പറഞ്ഞതനുസരിച്ച് മൂലമറ്റത്ത് നിന്ന് ഫയര്‍ഫോഴ്സും, കാഞ്ഞാര്‍ സര്‍ക്കിള്‍ ഇന്‍സ്പക്ടര്‍ വി.കെ ശ്രീജേഷ്, എസ്.ഐ ഹരികുമാര്‍ എന്നിവരുടെ നേതൃത്വത്തില്‍ എത്തിയ പോലീസും, ഓടികൂടിയ നാട്ടുകാരും രക്ഷാപ്രവര്‍ത്തനത്തിന് നേതൃത്വം നല്‍കി.
മൂലമറ്റത്തെ അഗ്‌നിരക്ഷാസേന അംഗങ്ങള്‍ വടം ഉപയോഗിച്ച് താഴെയിറങ്ങികയായിരുന്നു. രാത്രിയായതിനാല്‍ വെളിച്ചകുറവും പ്രശ്നമായി.ഏറെ ശ്രമകരമായാണ് സംഘം വലയിറക്കി എട്ട് മണിയോടെ മൃതദേഹം പുറത്തെടുത്തത്.
ഉടൻതന്നെ തൊടുപുഴ ജില്ലാ ആശുപത്രിയിലെത്തിച്ചെങ്കിലുംമരണപെടുകയായിരു.
പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും.
