സഹകരണ സംഘങ്ങളിലെ അംഗങ്ങൾക്കായി സംസ്ഥാന സർക്കാർ ഏർപ്പാടാക്കിയ ആശ്വാസ നിധി വിതരണം ചെയ്തു. വൈത്തിരി പ്രാഥമിക സഹകരണ കാർഷിക ഗ്രാമ വികസന ബാങ്കിലെ പടിഞ്ഞാറത്തറ ബ്രാഞ്ചിൽ വെച്ച് നടന്ന ചടങ്ങിൽ അംഗങ്ങളായ അമ്മദ് ഹാജി, കെ. ഇബ്രാഹിം എന്നിവർക്ക് ബാങ്ക് പ്രസിഡന്റ്‌ കെ. സുഗതൻ ചെക്ക് കൈമാറി. ബാങ്ക് ഡയരക്ടർ ജാഫർ പി. എ., സെക്രട്ടറി കെ. സച്ചിദാനന്ദൻ, മാനേജർ എ. നൗഷാദ്, എം. ജി. മോഹൻദാസ്, കെ. സന്തോഷ്‌കുമാർ, പി. സുനിൽ ബാബു, വി. പി.രമാദേവി എന്നിവർ സംബന്ധിച്ചു.
കുടിക്കാഴ്ച്ച മാറ്റി.
മേപ്പാടി ഗ്രാമപഞ്ചായത്ത് അസിസ്റ്റന്റ് എൻജിനീയറുടെ ഓഫീസിൽ ഓവർസീയർ തസ്തികയിലേക്ക് ജൂലൈ 14 ന് രാവിലെ 11 ന് നടത്താനിരുന്ന കുടിക്കാഴ്ച്ച മാറ്റിയതായി ഗ്രാമപഞ്ചായത്ത് സെക്രട്ടറി അറിയിച്ചു. പുതുക്കിയ തിയ്യതി പിന്നീട് അറിയിക്കും.
