കൽപ്പറ്റ നഗരത്തിന്റെ മുഖച്ഛായ തന്നെ മാറ്റുന്നതിന്റെ ഭാഗമായി പാഴ് വസ്തുക്കൾ, അനാവശ്യ ബോർഡുകൾ, പരസ്യങ്ങൾ എന്നിവ ഒഴിവാക്കി ഗ്രാഫിക് ചിത്രങ്ങൾ വരച്ച് ജനപങ്കാളിത്തത്തോടെ ചിത്രം നഗരിയാക്കുന്ന പദ്ധതിക്കാണ് ഇതോടെ തുടക്കമാകുന്നത്. പദ്ധതിയുടെ ഉദ്ഘാടനം മുൻസിപ്പൽ ചെയർമാൻ മുജീബ് കേയംതൊടി നിർവഹിച്ചു. ഗ്രീൻ വൈൽഡ് ലാവേഴ്സ് ഫോറം പ്രതിനിധി റഷീദ് ചിത്ര രചനക്ക് നേതൃത്വം നൽകി. നഗരസഭ കൗൺസിലേർസ്, മുൻസിപ്പാലിറ്റി ഉദ്യോഗസ്ഥർ,വജ്ര ജൂബിലി ഫെല്ലോഷിപ്പ് അംഗങ്ങൾ തുടങ്ങിയവർ പങ്കെടുത്തു.
ദേശഭക്തിഗാന മത്സരം
എക്‌സൈസ് വകുപ്പ് വിമുക്തി മിഷന്റെ നേതൃത്വത്തില്‍ ഹയര്‍സെക്കന്‍ഡറി വിഭാഗം വിദ്യാര്‍ത്ഥികള്‍ക്കായി ജില്ലാതല ദേശഭക്തിഗാന മത്സരം സംഘടിപ്പിക്കുന്നു. മത്സരത്തിനായി ഏഴ് മുതല്‍ 10 പേരടങ്ങുന്ന സംഘത്തിന്റെ ആറ് മിനുറ്റില്‍ കവിയാത്ത ദേശഭക്തിഗാനം വീഡിയോ ചിത്രീകരിച്ച് അയയ്ക്കണം.
